Төлебиде жастар арасында «Айналаңды нұрландыр!» акциясы болып өтті. Бұл туралы «Abai.kz» порталы Төлеби ауданы әкімінің баспасөз қызметіне сілтеме жасай отырып хабарлайды.

Аудандық «Жастар ресурстық орталығы» КММ-нің ұйымдастыруымен аудандық ауруханадағы балалар бөлмесіне «Айналаңды нұрландыр!» қабырға беттеріне көңілді бейнелермен безендіру  суреттерін салды. Ұйымдастырылып өткізілген іс-шараның негізгі мақсаты ауданымызда мемлекеттік жастар саясатын жүзеге асыруға және жас ұрпақты тарихи-мәдени және рухани құндылықтарды бағалауға жас ұрпақтың ой-өрісін кеңейтуге, ауруханадағы балалар  бөлмесінің  қабырға беттеріне суреттер салу,  балалардың көңіл-күйлерін көтеру болып табылады

Іс-шараға қатысқан аудан еріктілері арасында Черепивская Анжелика, Черепивская  Елизавета, Тургынова Хуршида, Сайлау Айгерім, Паткина Лилия сынды ерікті жастар өздерінің ептіліктері мен сурет салу шеберліктерін көрсете білді. Жастар арасында тәрбиелік маңызы зор шара болды. Ерікті жастар өздерінің жан-жақты екенін көрсете білді.

Егемен елде   туып, тәуелсіз елде тәрбие алып, ерлік пен елдіктің қадірін жоғары бағалап өсіп келе жатқан азат ойлы, дарынды жастардың келешекте ел мерейін үстем етер Ә.Қастеевтей ұлы суретші боларына деген сенімдерді артуда.

Abai.kz