Пермаммад Алиев батутта секіруден халықаралық дәрежедегі спорт шебері. Жерлесіміз 20 жасқа да толмаған. Пермаммад тамыздың 13-і күні олимпиадалық жүлде үшін таласқа түседі. Бұл туралы «Abai.kz» порталы Оңтүстік Қазақстан облысы әкімі баспасөз қызметінің «Фейсбук» желісіндегі ресми парақшасына сілтеме жасай отырып хабарлайды.

ОҚО гимнастикадан ОРМБЖМ коммуналдық мемлекеттік мекемесінің 2003-2015 жылдар аралығында спорттық акробатика бөлімінде жаттыққан. Қазіргі уақытта, ОҚО жоғарғы спорт шеберлігі мектебіне берілген.
2009 жылы Ресей Санкт-Петербург қаласында батутта және акробатикалық жолақта секіруден жастар арасында Әлем Чемпионатында синхронды секіруден - 1 орын алған. 2011 жылы Ұлыбритания Бирмингем қаласында батутта және акробатикалық жолақта секіруден жастар арасында Әлем Чемпионатында синхронды секіруден - 1 орын алған.
2012 жылы Тайландта батутта және акробатикалық жолақта секіруден жастар арасында Азия Чемпионатында 2 орынға ие болған.
2013 жылы Голландия мен Швецияда өткен батутта және акробатикалық жолақта секіруден Халықаралық турнир жеңімпазы атанған.
2013 жылы Болгария София қаласында өткен батутта және акробатикалық жолақта секіруден Әлем Чемпионатында 2 орын алған.
2014 жылы АҚШ Дайтона-Бич қаласында өткен Әлем Чемпионатында синхронды секіруден 5 орын алған. 
2015 жылы Нидерланды Алсмеер қаласында өткен батутта және акробатикалық жолақта секіруден «FLOWER CUP» Халықаралық турнирінің жеңімпазы атанған. 2015 жылы Ресей Санкт-Петербург қаласында батутта және акробатикалық жолақта секіруден Әлем Кубогында - 12 орынға ие болған. 2015 жылы Испания Вильядолид қаласында батутта және акробатикалық жолақта секіруден Әлем Кубогында - 4 орынға ие болған.

Abai.kz