ОҚО, Сайрам ауданы жаңалықтары: Ақылы қоғамдық жұмыс

Нысаналы топтағы жұмыссыз азаматтарды уақытша жұмыспен қамтуға және олардың табыс табуына ақылы қоғамдық жұмыстар оң себебін тигізуде.

Бекмурзаева Кулпаршын Райымкуловна 1973 жылы туылған, 2-ші топтағы мүгедек.Үкімет тарапынан арнаулы жәрдемақы алады, дегенмен жәрдемақы күн көрісіне жеткіліксіз. Қосымша табыс табу мақсатында 2016 жылдың  1 маусымында өткен мүмкіндігі шектеулі жандарға арналған «Бос жұмыс орындары» жәрмеңкесіне қатысқан.

Өз мамандығы-тәтті нан өнімдерін дайындау бойынша бос жұмыс орындары болмауына байланысты, халықты жұмыспен қамту орталығы арқылы Қарасу ауыл округіне ақылы қоғамдық жұмыстарға жолданды. Бүгінгі күні ауыл округінде құжаттарды толтыруға көмектесіп, табыс табуда. Азаматша  К.Бекмурзаева мемлекетіміздің мүмкіндігі шектеулі жандарды жұмыспен қамту саясатына ризашылығын білдіруде.

НЫСАНДАРҒА САРАПТАМА ЖАСАДЫ

"Нұр Отан" партиясы Сайрам аудандық филиалы жанындағы Сыбайлас жемқорлыққа қарсы іс-қимыл жөніндегі қоғамдық кеңес және партиялық бақылау комиссиялары, фракция мүшелері «Жұмыспен қамту 2020 жол картасы» бағдарламасының бірінші бағыты шеңберінде күрделі және ағымдағы жөндеуден өткізіліп отырған 5 әлеуметтік нысандарға сараптама жасады.

СЕНБІЛІК

Сайрам ауданы, Қарабұлақ ауылдық округінде сенбіліктер тұрақты түрде ұйымдастырылып өткізілуде.  Яғни, арық жағасындағы шөптер, күл-қоқыстар тазаланып, ағаштарды ретке келтіру, әктеу жұмыстары атқарылуда.

Abai.kz