Н.Назарбаев Ұлт жоспарында "Ашық үкімет" жобасын құруды тапсырған болатын. Жаңа жобаның мақсаты  мемлекеттік қызмет көрсету сапасын жақсарту болып табылады. Бұл туралы «rgmedia.kz» сайты хабарлайды.

 Осы орайда енді әскерден оралған сарбаздар әскери билетті жергілікті қорғаныс істер бөлімінен ғана емес ХҚКО-нан да алуларына болады. Запастағы сарбаздарға, сержанттарға әскери билетер беру мерзімі 30 жұмыс күні. Құжаттар топтамасын әзірлеу уақыты 15 минуттан аспайды. Мемлекеттік қызмет көрсету нысаны қағаз түрінде. Әскерге шақыру кейінге қалдырылғанына байланысты әскери қызмет өткермеген 27 жасқа толғандарға, бас бостандығынан айыру орындарынан босатылғандарға, ішкі істер, қаржы полициясы, қылмыстық-атқару жүйесі органдары оқу орындарының және өртке қарсы қызмет органдары өрт-техникалық оқу орындарының күндізгі бөлімшелерін бітіргендерге, әскери-есептік мамандықтарын алған және әскери есепке қоюға жататын әйелдерге, әскери қызметтен запасқа шығарылғандарға, басқа мемлекеттерден Қазақстан Республикасына тұрақты тұруға келгендерге, ескі үлгідегі әскери билетті жаңасына ауыстырған кезде,  жоғалту фактісі орын алып жатса, Қорғаныс министрлігінің мамандандырылған ұйымдарында әскери даярлықтан өткен азаматтар ХҚКО арқылы тиісті  құжатын алуға өтініш бере алады. Ол үшін  жеке куәлік, әскери қызметке жарамдылық дәрежесі туралы қорытындысы бар медициналық анықтама білімі туралы құжаттың түпнұсқасы және көшірмесі; 3х4 екі фото суретін өзімен әкелуі шарт. Қосымша ақпаратты www.con.gov.kz сайтынан және «ХҚКО» РМК әлеуметтік желілердегі ресми парақшаларынан немесе бірыңғай байланыс орталығының «1414» телефоны бойынша алуға болады.

Айта кетейік, аталған қызмет түрі Оңтүстік Қазақстан облысында да "Ашық әкімдіктің" аясында көрсетілуде. 

Абай ақпарат