«Үлкен жетілік» (G7) елдері басшыларының кездесуі өтіп жатқан  Германияның Гармиш-Партенкирхен қаласы маңындағы кездесуде Барак Обама мен Ангела Меркель Ресейге қарсы экономикалық санкциялар кей талаптар орындалмайынша, күшінде қалатынын мәлімдеді.

Ақ үйдің баспасөз қызметінің хабарлауынша, Барак Обама мен Ангела Меркель Ресейге қарсы экономикалық санкциялар Минскіде жасалған Донбасстағы қақтығысты тоқтату келісімі толық орындалғанша және Мәскеу Украинаның Тәуелсіздігіне құрмет көрсетпейінше күшінде қалуы тиіс деп уағдаласқан.

Саммитте сөйлеген сөзінде Ангела Меркель Мәскеу Украинадағы әрекеті үшін G7-ден «аулақ тұруы тиіс» деп ашық мәлімідеме де жасаған көрінеді.

Абай-ақпарат