ҚР Президентінің сайлауына үміткер ретінде тіркелгеннен бері Нұрсұлтан Назарбаевтың кандидатурасын қолдап 560 мыңнан астам қол жиналды. Бұл туралы Орталық сайлау комиссиясының отырысында аталған комиссия хатшысы Бақыт Мелдешев мәлім етті.

«Нұрсұлтан Әбішұлы Назарбаевтың кандидатурасын қолдап елдің 16 өңірінің барлығына өкілдік ететін сайлаушылардың 560523-інің расталған қолы жиналды», - деді Б.Мелдешев.

Айта кетейік, бүгін Орталық сайлау комиссиясы Нұрсұлтан Әбішұлы Назарбаевты Қазақстан Республикасының президенттігіне кандидат ретінде тіркеу және кандидаттың куәлігін беру туралы қаулы қабылдаған болатын. 

Абай-ақпарат.