Қауіпсіздік Кеңесінің Сириядағы химиялық шабуылға қатысты жиналысы нәтижесіз аяқталды. АҚШ, Ұлыбритания және Франция ұсынған қарарды тараптардың келісе алмауына байланысты дауысқа салмады. Хейлидің айтуынша, сириялық үкімет, Ресей және Иран жанжалды шешуге құлықсыздық танытып отыр.

4 сәуірде сириялық опозиция Хан-Шейхунда ондаған адам қаза тапқанын мәлімдеді. Жергілікті дәрігерлер жүйкенің салдануын тудыратын газ қолданған болуы керек деп отыр. Аймақта шашамен 72 адам осы дерттен көз жұмды. Бүлікшілер Сирияның үкімет әскерін айыптады.

Химиялық шабуылды сынаған қарар авторлары БҰҰ-ны газ қолдануға қатысты қорытындысын тезірек шығаруға шақырды.

АҚШ және Еуроодақ елдері химиялық шабуылға Сирия президенті Башар Асад жүйесін айыптап отыр. Ресейдің мәлімдеуінше, 4 сәуірде сириялық авиация снаряд қоймаларына улы заттармен соққы жасаған. Мәскеу нұсқасы бойынша, бұл снарядтар Ирак пен Сириядағы терроршыларға жеткізіледі.

Абай-ақпарат