АҚШ Сириядағы күрд бүлікшілеріне қарумен-жарақпен көмектеседі
АҚШ президенті Дональд Трамп Сирияда "Ислам мемлекеті" экстремистік ұйымына қарсы күресетін күрд әскери жасақтарына тікелей қару-жарақ жеткізу жоспарын мақұлдады. Бұл туралы Вашингтонда ресми түрде хабарланды.
Сейсенбі күні The Wall Street Journal басылымының хабарлауынша, осылайша экстремистердің астанасына айналған Ракка қаласына шабуыл жасауға мүмкіндік пайда болды. Дей тұрғанмен, Ақ үй шешімі одақтас Түркияға ұнамай қалуы ықтимал, өйткені Анкара күрд бүлікшілерін "терроршылар" ретінде қабылдайды.
Күрділерге қару-жарақ беру мәселесі бірнеше ай бойы талқыланды. "Халықтың өзін-өзі қорғау отряды" деген атпен белгілі сириялық күрділер ұйымы - АҚШ-тың Сирия аумағындағы сенімді әскери одақтасы, деп жазды The Wall Street Journal.
Абай-ақпарат
