Манчестердегі шабуылға қатысы бар делінген алтыншы күдікті ұсталды
Британиялық полицияның хабарлауынша, Манчестердегі шабуылға қатысқан деген күдікпен барлығы алты адам ұсталды.
Қылмыстық топты қолға түсіру мақсатында полиция бүкіл Манчестерде іздеу жұмыстарын жүрзізіп жатыр.
Ұлыбритания ішкі істер министрі Эмбер Раддтың мәлімдеуінше, Манчестердегі шабуылды бірнеше адам жүзеге асырған.
Бұған дейін полиция бесінші күдікті қолға түскенін хабарлаған. Солардың бірін ұстау кезінде күдікті қолына бір пакет зат ұстап тұрған. Қазір оның не зат екені анықталып жатыр.
Манчестердегі теракті жауапкершілігін "Ислам мемлекеті" террористік тобы мойнына алды. "Манчестер аренадағы" концерт залындағы жарылыстан 22 адам қаза тапты.
Абай-ақпарат
