Бізде мына саясаттың да, бизнестің де, мәдениеттің де, басқаның да оңбай тұрғаны - біз орыстілді елміз, Ресейден не көрсек, соны өзімізде көшіріп баса береміз. Сондықтан біз барлық салада еркін ойлы, жан-жағына жалтақтамайтын ағылшынша білетін менеджерлер дайындаған кезде ғана еліміз алға жылжи бастайды.

Кім мысалы осында, ағылшынша басылымдарды қарайды? Кім ағылшынша әдебиеттер оқып жүр, халықтың 1-2% ғана шығар. 70-80% ақпарат орыс тілінен қазақ тіліне аударылады, біздегі журналистердің 80% ағылшынша білмейді, Қазақстанда магистратураға ағылшын тілінен 1000 доллармен өтеді. Ешкім ағылшыншаның не үшін қажет екенін ұғып жатқан жоқ, әлемдік ақпараттық соғыс ағылшын тілінде жүріп жатыр. Туиттер деген тым жақсы микроблоггиң бар еді, сонда нағыз ақпараттық соғыс жүріп жатыр еді, оны құртып алдық, себебі бізде трендсеттер орта шоу-бизнесте, олар Инстаграмға көшті, Туиттер қаңырап қала берді.