Жұмысшылардың бірі жалақыны кем дегенде 30 пайызға көтеру керек деп есептейді. Олар "мұндай талап қоюға құқылы екенін" мәлімдеді. Көбісінің айлығы 100 мың теңгеге де жетпейді.

"Біздің шыдамымыз таусылуға жақын. Айлық тамақ пен коммуналдық қызметті төлеуге ғана жетеді. Жұмысымыз ауыр. Айлықты көтеріңдер!", - деді делегаттардың бірі Светлана Фишер.

Жиналыста кәсіби мамандардың көбісі кете бастағаны айтылды. Айтуларына қарағанда, Ресейде кеншілер мен металлургтер айлықты көп алады. Олар айлықты көтеру мәселесін биыл көктемде де көтерген. Бірақ мәселе сол күйінде шешілмей қалған.

Кәсіподақ өкілдерінің хабарлауынша, жақын күндері компания басшылығына жұмысшылар талаптары хат түрінде жолданады.

Abai.kz