Тәжікстанда электр энергия шамамен 30 пайызға қымбаттайды
Тәжікстан тұрғындары үшін электр энергия жақын күндері біртіндеп қымбаттайтын болады: биыл 7 пайызға, екі жылда 8 пайызға және 2020 жылға қарай 10 пайызға көтеріледі.
Үкімет бағдарламасына сәйкес, заңды тұлғалар үшін де тарифтер қымбаттайды: 2018 жылы 9,9 пайызға, 2019 жылы 8,4 пайызға, 2020 жылға қарай 15 пайызға көтеріледі. Өткен жылы энергия тарифі 16 пайызға өскен.
Тәжікстанда электр энергиясы Дүниежүзілік банктің ұсынуымен жылына екі рет 20 пайызға қымбаттайды. Тәжікстан үкіметі мен Дүниежүзілік банк тарифті біртіндеп көтеру туралы меморандумға 2006 жылы қол қойған.
Abai.kz
