Зимбабведе биліктен шеттетілген Роберт Мугабе халыққа үндеу жолдады
Президент Роберт Мугабе биліктен кету туралы мәлімдеме жасамады, бірақ халық оның өз еркімен кетуін қалап отыр. Соңғы күндері мыңдаған зимбабвелік 93 жастағы президенттің биліктен тайдырылғанын тойлады.
Мугабе өткен ғасырдың 80-жылдары жариялаған ұлттық келісім саясаты елдің бірлігін сақтап қалды деп мәлімдеді.
Ол Зимбабве халқы алға ілгерілей береді деп сенетінін айтты.
Мугаде халыққа үндеу жасаған уақытта оның қасында өз әкімшілігі мен әскер басшылары отырды. Ол бірнеше мәрте сөзден шатасып, үндеу жазылған қағасты алмастырып ала берді.
Харарадағы шетелдік тілшілер "біртүрлі төңкеріс" туралы жазып жатыр. Елде әскери төңкеріс болғанымен, авторитарлық билеуші бірнеше күн билік басында отырды.
Abai.kz
