Йемен экс-президент Әли Абдалла Салехтің өлгенін растады
Йеменнің бұрынғы президенті Әли Абдалла Салех қаза тапты деп хабарлады аймақтық БАҚ. Al Arabia басылымы экс-президенттің қазасын Жалпыхалықтық конгрес партиясы растағанын хабарлады. Әлеуметтік желілерде Салехтің мәйіті делінген сурет пен видео тарап жатыр.
Бұған дейін Reuters агенттігі Салех тұрған үйде жарылыс болғанын хабарлаған болатын. Агенттік мәліметінше, жарылысты Иран қолдайтын көтерілісшіл хуситтердің "Ансар Аллах" қозғалысы жасаған.
Йеменнің уақытша президенті Абд-Раббу Мансур елде саяси тұрақтылық орнатуға талпынып келеді. Йеменде соңғы үш жылда "Әл-Қаида" ұйымының содырлары мен елдің оңтүстігінде сепаратистер белсенді әрекетке көшкен.
Йеменде соғыс 2014 жылы билікте 33 жыл отырған президент Әли Абдалла Салех жаппай наразылық акцияларының қысымымен отставкаға кеткен соң Абдалла Салехтің жақтастары және шииттікті ұстанатын хуситтер мен Абд-Раббу Мансур күштері арасында басталған.
Abai.kz
