Еуроодақ Ресейге қарсы санкцияларын жарты жылға созғысы келеді
Еуроодақ жетекшілері бейсенбі күні Ресейге қарсы экономикалық санкцияларын тағы алты айға созу туралы шешімін бекітеді. Бұл туралы Reuters агенттігі Брюссельдегі дипломаттарға сілтеме жасап хабарлады.
Ресейдің энергетикасы, қорғанысы және қаржы секторына қатысты негізгі санкциялар мерзімі 2018 жылдың қаңтарында бітеді. ЕО жетекшілері оны 2018 жылдың ортасына дейін созуды көздеп отыр.
Мәскеу 2014 жылы аннексияланған Қырымды ешқашан қайтармайтынын мәлімдеді. Батыс елдері Ресейді Украинаның шығысындағы жікшілдерге қолдау көрсетті деп айыптап отыр.
Abai.kz
