"2018 жылы қаңтарда Лебап облысында полицияның шамамен 1000 қызметкерін қысқартады. Қалған мекемелерде де қысқарту болады. Бұған қоса, барлық зейнеткерлер міндетті түрде қызметтен босатылады немесе жарты ставкаға жұмыс істеуге келісім береді", - деді Лебап облысындағы дереккөз.

Бұның алдында "Хроника Туркменистана" басылымы елдегі мемлекеттік мекемелердегі қызметкерлердің 30 пайызы жаңа жылдан бастап қысқарады деп хабарлаған.

Басылым мәліметіне қарағанда, мемлекеттік бюджеттен қаржыландырылатын барлық ұйымдар мен мекемелерге, соның ішінде мұнай және газ саласына штат санын 30 пайызға қысқарту туралы жоғарыдан бұйрық түскен. Қысқарту 1 желтоқсанға немесе 1 қаңтарға дейін жүргізілуі тиіс. Орта мектептер ғана қысқартуға ұшырамайды. Бірақ мектеп директорларына зейнеткер жасындағыларды қысқарту туралы бұйрық берілген.

Қараша айының ортасында мұнай және газ, су шаруашылығы қызметкерлері қысқартылған еді.

Abai.kz