"Әдепсіз" домен атауларына тыйым салынды
Тәжікстан билігі домен атауларын тіркеуге бақылауды күшейтті. sex.tj секілді "әдепсіз" деп танылған домендерге тыйым салынды.
Тәжікстан президенті аппараты жанындағы ақпараттық-техникалық орталығы tj доменін тіркеу ережесін жариялады.
Онда домен атауы қоғам мүдделеріне, этикаға, гуманизм ережелеріне сай болмаса, тіркеуге рұқсат берілмейді.
Бұған қоса орталық аsht.tj, isfara.tj, mastchoh.tj, ishkashim.tj секілді географиялық домендерді тіркеуге рұқсат бермеді, өйткені олар жергілікті билік органдарының резервінде тұр. Мұнда gov.tj. және mil.tj домендері де бар.
tj тәжік домені IANA халықаралық ұйымына 1997 жылы тіркелген.
Abai.kz
