Шетелде түркімен банктерінің картасы жарамсыз болып тұр
Ресейде білім алатын түркіменстандық студенттер соңғы уақытта VISA банктік картасынан қолма-қол ақша ала алмай жүргендерін айтады.
Ресейлік жоғары оқу орындарының бірінде оқитын Шемшат есімді студент банкоматтан ақша ала алмай жүргенін айтады.
“Мен банкоматтан ақша алуға қаншама рет тырыстым, бірақ экраннан "дұрыс емес" деген жазу шығады. Дүкеннен де карта арқылы тауар ала алмаймын", - дейді ол.
Шетелде түркімен банктерінің картасын қолдана алмай жүргендерін өзге студенттер де растады. Түркіменстаннан тыс жерде оқитын студенттердің айтуынша, бұл проблема желтоқсан айынан беру туындаған.
Abai.kz
