Бір күні бастығы мен екі бағыныштысы шам тауып алыпты. Ысқылап-ысқылап жіберсе, ішінен жын шығып:

- Үш тілек орындаймын. Бірақ сендер үшеу екенсіңдер! Бір-бір тілектен айтыңдар - депті.

Содан бір бағыныштысы:

- Мен Багам аралдарында өз кемеммен демалғым келеді, - деп жып ете қалыпты. Екіншісі:

- Мен Кариб аралдарында сұлу да жас қыздармен демалғым келеді - деп іле-шала іліп әкетіпті. Екеуінің де тілегі заматта орындалыпты.

Кезек бастыққа келіпті. Сөйтсе, басекең:

- Таңертең сағат тоғызда ана екеуі жұмыста болатын болсын - деп дүңк етіпті дейді аңыз.

Түйін: Ешқашан бастығыңыздан бұрын сөйлемеңіз. Бастығыңызды үнемі тыңдап жүріңіз! Сонда бәрі-бәрі жақсы болады!

Ержан Тәліп

Facebook-тегі парақшасынан