Құқыққорғау органдарының ақпаратына қарағанда, әйелге қол көтергендер қамауға алынды. Тергеу жүріп жатыр.

Олтинованың көршісі Озодлик радиосына болған оқиғаны баяндап берді.

"Біздің тұрғын үйде жезөкшелер үйі бар. Тургун апаны 23 қаңтарда түнгі сағат 22:45-те осында келгендер соққыға жыққан. Мен апаны ұрып жатқанын өз көзіммен көрдім. Тургун апа милиция шақыратынын айтып, айқайлады. Біз аулаға шыққан уақытта олар қашып кетті. Біреуі бетін тұмшалап алыпты. Тургун апа еденде қансырап жатыр екен. Біз оны ауруханаға жеткіздік", - деді ол.

Наманган ішкі істер департаменті қылмыстық іс қозғалғанын хабарлады. Бірақ Олтинованың көршілері милиция жезөкшелер үйін жоюға құлықты болмағанын айтып отыр.

"Біздің үйде балалы отбасылар тұрады. Соған қарамастан осы жерден жезөкшелер үйін ашқан. Жартылай жалаңаш қыздар күдікті ер азаматтарды қабылдайды. Тургун апай олармен күнде жанжалдасатын. Неге милиция үнсіз отыр? Осы жағы бізді толғандырады", - деді Олтинованың тағы бір көршісі.

Abai.kz