بەيسەنبى, 20 اقپان 2020
2944 0 پىكىر 1 اقپان, 2018 ساعات 09:31

نامانگاندا جەزوكشەلەر ۇيىنە كەلۋشىلەر 52 جاستاعى ايەلدى ۇرىپ ولتىرگەن

وزبەكستاننىڭ نامانگان وبلىستىق اۋرۋحاناسىندا 52 جاستاعى تۋرگۋنوي ولتينوۆا 30 قاڭتاردا اۋىر سوققى سالدارىنان قايتىس بولدى. ءبىر اپتا بۇرىن ول ءتۇن ىشىندە مازا بەرمەگەن جەزوكشەلەر ۇيىنە كەلۋشىلەردى قۋىپ شىقپاقشى بولعانى ءۇشىن سوققىعا جىعىلعان.

قۇقىققورعاۋ ورگاندارىنىڭ اقپاراتىنا قاراعاندا، ايەلگە قول كوتەرگەندەر قاماۋعا الىندى. تەرگەۋ ءجۇرىپ جاتىر.

ولتينوۆانىڭ كورشىسى وزودليك راديوسىنا بولعان وقيعانى بايانداپ بەردى.

ء"بىزدىڭ تۇرعىن ۇيدە جەزوكشەلەر ءۇيى بار. تۋرگۋن اپانى 23 قاڭتاردا تۇنگى ساعات 22:45-تە وسىندا كەلگەندەر سوققىعا جىققان. مەن اپانى ۇرىپ جاتقانىن ءوز كوزىممەن كوردىم. تۋرگۋن اپا ميليتسيا شاقىراتىنىن ايتىپ، ايقايلادى. ءبىز اۋلاعا شىققان ۋاقىتتا ولار قاشىپ كەتتى. بىرەۋى بەتىن تۇمشالاپ الىپتى. تۋرگۋن اپا ەدەندە قانسىراپ جاتىر ەكەن. ءبىز ونى اۋرۋحاناعا جەتكىزدىك", - دەدى ول.

نامانگان ىشكى ىستەر دەپارتامەنتى قىلمىستىق ءىس قوزعالعانىن حابارلادى. بىراق ولتينوۆانىڭ كورشىلەرى ميليتسيا جەزوكشەلەر ءۇيىن جويۋعا قۇلىقتى بولماعانىن ايتىپ وتىر.

ء"بىزدىڭ ۇيدە بالالى وتباسىلار تۇرادى. سوعان قاراماستان وسى جەردەن جەزوكشەلەر ءۇيىن اشقان. جارتىلاي جالاڭاش قىزدار كۇدىكتى ەر ازاماتتاردى قابىلدايدى. تۋرگۋن اپاي ولارمەن كۇندە جانجالداساتىن. نەگە ميليتسيا ءۇنسىز وتىر؟ وسى جاعى ءبىزدى تولعاندىرادى", - دەدى ولتينوۆانىڭ تاعى ءبىر كورشىسى.

Abai.kz

0 پىكىر