"Сұрақ" шешілмейді, сұраққа жауап беріледі
"Даулы сұрақтарды шешу..." депті бір газетте. Осы біз орыстың "вопрос" деген сөзінің екі мағынада қолданылатынын ұмытып кете береміз.
Біреуі, "мәселе". Екіншісі, "сұрақ". Егер жоғарыдағы сөзде ол "сұрақ" ретінде қолданылған болса, ол "даулы" болмайды. "Сұрақ" шешілмейді, сұраққа жауап беріледі. Ал "мәселе" даулы болуы мүмкін әрі шешіледі.
Қазір белді газеттердің өзінде осы екі ұғым бір мағынада - "сұрақ" түрінде жиі қолданылып жүр. Білместіктен немесе шатастырудан. "Сұрақ" ешқашан "мәселе" мағынасына ие емес. Солай емес пе?!
Дүрәлі Дүйсебайдың Facebook-тегі парақшасынан
Abai.kz
