Біздің бастықтар мен шенділердің ауызашар бергені де қызық. Бір-бірінің көңілін аулағандай болып, бір үлкен мейрамханаға өздері сияқты өңшең байшыкештерді жинап алады. Оны және жылда кеп жарнамалайды ғой!

Олар сол тамаққа мұқтаж да емес қой, қарап тұрсаң... Көбі аузын да бекітпеген.

Мұсылман елдеріне, тіпті мына өзіміздің қандасымыз түркиялықтарға қараңдаршы, президенті қарапайым халыққа арнап ауызашар беріп, өзі солардың арасында әңгімелесіп отырады. Бізде осындай қарапайымдылық, аскетизм жоқ. Европа мен Американың атақты адамдары көшедегі асханада халықпен бірге тамақтана береді.

Ауызашар бергің кеп бара жатса, халыққа бер, ашқұрсақ жүрген талай адамның алғысын аласың сонда. «Бәленбай ауызашар берген жылы» деп, аузынан тастамай айтып жүретін еді олар.

Нағыз сауап деген, меніңше, осы!

Жолымбет Мәкіштің Facebook-тегі парақшасынан

Abai.kz