Жұма, 29 Наурыз 2024
Осы ғой енді... 3506 3 пікір 5 Маусым, 2018 сағат 10:02

Біртанов: Менингококқа қарсы жаппай екпе жүргізілмейді

Қазақстанда биыл жыл басынан бері менингокок (миқұрты) инфекциясымен 58 адам ауырып, 12 адам қатерлі дерттен көз жұмды деп хабарлады денсаулық сақтау министрі Елжан Біртанов 4 маусымда Астанада Орталық коммуникациялар қызметінде өткен брифингте.

Министрдің айтуынша, қайтыс болғандардың төртеуі - төрт жасқа дейінгі балалар. Біртанов былтыр менингококк инфекциясын 162 адам жұқтырғанын, 11 адам көз жұмғанын айтып, биыл инфекция жұқтырғандар мен одан қайтыс болғандар көрсеткіші "жылдағы шегінде" екенін айтты.

Оның сөзінше, менингококк инфекциясының таралу деңгейі төмен, карантин енгізуге әзірге себеп жоқ, дәрігерлер жағдайды бақылауда ұстап тұр.

Мамырдың ортасынан бері Алматыда менингококк инфекциясынан бес адам (екеуі - балалар), Алматы облысында үш адам, Қызылорда облысында бір адам қайтыс болғаны хабарланған.

Менингокок инфекциясын Neisseria meningitidis бактериялары қоздырады, ауру түрлі клиникалық белгілермен пайда болады – инфекцияны таратушыда оның белгілері білінбеуі де мүмкін немесе мұрын-жұтқыншақ қабынуы, ми қабығының қабынуы және менингококтық сепсис түрінде өрбиді деп ескертеді дәрігерлер.

Abai.kz

3 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1582
Алашорда

Қожанов межелеу науқанында (Жалғасы)

Бейбіт Қойшыбаев 2281
Ғибырат

Қайсар рухты ғазиз жан

Мұхтар Құл-Мұхаммед 3610