Мемлекет басшысының сөздеріне қарағанда, құқық қорғау органдары қызметкерлерінің дөрекі әрекеттері мен ақша бопсалауы салдарынан, шетелдік туристер елге келгісі келмейді. "Ең жаманы солар үшін елдің әлем алдындағы абыройына нұқсан келеді", - деп атап өткен Эмомали Рахмон.

“Қонақтар мен туристердің ұлттық мәдениет, салт-дәстүрімен таныстығы қақпадан басталады, яғни шекара мен кеден бекеттерінен. Өткізу бекеттерінің жауапты қызметкерлері мұны жақсы сезінуі тиіс. Олар өркениетті тәжік ұлтының өкілі екенін ұмытпауға тиіс”, - деп атап өткен мемлекет басшысы.

"Егер болашақта милиция қызметкерлері, кеденшілер не шекарашылар туристерден ақша бопсалап, елге саяхат жасауына кедергі келтіретін болса, оларды елдің, ұлттың сатқындары деп жариялау керек", - деп мәлімдеген Эмомали Рахмон.

Abai.kz