Көне ирландықтардың батасы
Ирланд елінде де дәл қазақтардікі секілді бата беру дәстүрі болған. Марат Ермұқанов атты азамат Көне Ирланд елінің батасын қазақшаға аударған екен. Біз сол батаны портал оқырмандарының назарына ұсынып отырмыз.
Махаббат, күлкі әр күніңді нұрласын
Мейірім толсын үйіңде, ошақ басында.
Сапарға шықсаң тым алыс жерге бел асып,
Адал дос жүрсін, тірегің болып қасыңда.
Бітпесін дәулет, сөнбесін үміт таусылып,
Шат болсын досың, ағайын-туыс, қыймасың.
Өмірдің әрбір өтетін сырғып маусымы
Туысыңа, саған ең тәтті сәтін сыйласын!
Аударған Марат Ермұқанов, Қызылжар қаласы
Abai.kz
