«ҚР президенті қызметтерінің кепілдігі жөніндегі» заң жобасына өзгеріс енгізуді парламент депутаттары Исхак Масалиев пен Курманкул Зулушев ұсынды. Құжат авторлары экс-президентке тиіспеушілік жөніндегі заңның 12-бабы Конституцияға қайшы келеді дейді. Негізгі заңда барлық азаматтар заң алдында тең деп көрсетілген. Енді құжатта заңнан 12-бапты алып тастау ұсынылған.
Мұнан бөлек депутаттар 4-бапты да алып тастауды көздеп отыр. Онда "қазіргі президент мемлекет қамқорлығында, оның абыройы бас прокурор тарапынан қорғалады" деп жазылған.
Қазан айының басында Жоғарғы соттың Конституциялық палатасы заңгер Нурбек Токтакуновтың экс-президентке құл сұғылмаушылық мәртебесі Конституцияға сәйкес келмейді деп табу жөніндегі шағымын қараған. Токтакунов сол кезде Конституциялық палата «Президент қызметтерінің кепілі жөніндегі» заңның 12-бабы Негізгі заңға қайшы деп таныды деген.
Қырғызстанның экс-президенті мәртебесі Роза Отынбаева мен Алмазбек Атамбаевта бар. Асқар Акаев пен Құрманбек Бакиев революциядан кейін мұндай мәртебен айырылған.
Abai.kz
