Сенбі, 17 Қараша 2018
252 0 пікір 6 Қараша, 2018 сағат 10:46

Қырғызстан балалардың көшедегі қауіпсіздігін күшейтеді

Қырғызстанда қыс уақытында оқушылардың жол қауіпсіздігі күшейтіледі. Бұл туралы вице-премьер-министр Алтынай Омурбекова мәлімдеді, деп хабарлады үкіметтің баспасөз қызметі.

Үкімет отырысы барысында мектепке жақын көшелерден оқушылардың өтуіне еріктілер, студенттер мен ата-аналар көмектесетіні айтылды.

"Қазір жолдардың қауіпті бөліктерінде ішкі істер министрлі кезекшілік орнатты. Бұл жұмысқа ерікті студенттер де тартылады", - делінген хабарламада.

Осындай жұмыстар нәтижесінде биыл балалар мен оқушылардың жол-көлік апаттарына түсуі азайған.

2017 жылы Қырғызстанда жол апаттарынан 907 адам қаза тапты. Олардың 104-і – балалар.

Abai.kz

0 пікір