2008 жылы ЕО елдері репрессивті елдерге қару экспорттауға тыйым салатын ортақ ұстаным қабылдаған. Мұнан бөлек Италияда «Адам құқықтары жөніндегі халықаралық конвенцияны бұзғаны үшін жауапты үкіметке қару тасымалдауға тыйым салынатын» арнайы заңы бар.

Бұл екі құжаттың адам құқықтары мен бостандықтарына қысым көрсететін Түркіменстанға тікелей қатысы болуы керек.

Бірақ бұған қарамастан Еуроодақ есебіне сәйкес, 2007-2017 жылдар аралығында Түркіменстан еуропалық елдерден 370 млн еуроға қару-жарақ сатып алған. Оның 76 пайызын (257 млн еуро) Италиядан алған.

ЕО-ның көп елдері қару экспортын ашық жариялайды. Бірақ Италия бұл ақпаратты жасырады. Дегенмен зерттеу нәтижесінде Түркіменстанға қару экспорттағаны анықталған.

ARX-160 маркалы штурмдық винтовкасы экспорттың негізгі бөлігі екен. Оны 2018 жылдың қыркүйек айында өткен әскери парад кезінде ашық жариялады. 2017 жылы 528 мың еуроға 300 дана винтовка жеткізген.