Бейсенбі, 28 Наурыз 2024
3124 0 пікір 27 Ақпан, 2019 сағат 10:35

Қырғыз журналисі Ұлықбек Бабакулов Франциядан саяси баспана алды

Ұлт араздығын тудырған деген күдікке ілініп, екі жыл бұрын Қырғызстаннан кеткен журналист Ұлықбек Бабакулов Франциядан саяси баспана алды.

Журналистің "Фергане.ру" сайтына хабалауынша, 25 ақпанда ол Францияның босқындар ісі және азаматтығы жоқ адамдар жөніндегі басқармасынан (OFPRA) хабар алған. Онда: "Сіз басқарманың құқықтық және әкімшілік қорғауына алындыңыз" делінген.

Бабакуловтың айтуынша, журналист он жыл көлемінде отанына қайтып орала алмайды. "Ел билігі маған қарсы жалған қылмыстық іс қозғап, билікке бағынышты ақпарат құралдары арқылы мені қаралады. Франция билігі маған және отбасыма босқын мәртебесін беріп, осында орнығуыма жағдай жасап отыр", - деді журналист.

Қырғызстанның Ұлттық қауіпсіздік мемлекеттік комитеті Бабакуловқа қарсы қылмыстық істі 2017 жылы 9 маусымда қозғаған. Оған Fergananews.com және басқа да сайттарда "арандатушылық сипатқа ие материалдар жариялады" деген айып тағылған.

Журналистің өзі бұл айыптарды жоққа шығарып, өзін экс-президент Алмазбек Атамбаев қудалады деп мәлімдеген.

Abai.kz

0 пікір

Үздік материалдар

Алғыс айту күні

Алғыс айту күні және оның шығу тарихы

Жомартбек Нұрман 1562
Алашорда

Қожанов межелеу науқанында (Жалғасы)

Бейбіт Қойшыбаев 2253
Ғибырат

Қайсар рухты ғазиз жан

Мұхтар Құл-Мұхаммед 3509