Дүйсенбі, 27 Мамыр 2019
46 - сөз 696 4 пікір 15 Мамыр, 2019 сағат 13:57

Жаңа ұрпақ өткеннің естелігімен өмір сүрмейді

Үлкен буынның ішін удай ашытатын бір анық бар. Уақыт өтеді. Жаңа буын өседі. Олар үшін Кеңес Одағы, қызыл ту комсомол деген ұғымдар "шіріген" керексіз тарих болып қалады.

Кешіріп қойыңыз, бірақ олар үшін "Ұлы Отан соғысы" сөзі де маңызын жоғалтуы мүмкін. Жекелеген шын батырлардың есімі ғана деталь ретінде қолданылады. Егер еске алса тек қазақтың кезекті рет жаппай қырылған нәубетінің бірі деп еске алады. Еске алса тек, өркениеттің дамуын шектеген кезең деп еске алады.

Олар нөлден, ақылмен ойланып емес, жекешелендірумен байыған байларды бағаламайды. Қазір де қатты сыйлайды демес едім. Жаңа ұрпақ өткеннің естелігімен өмір сүрмейді. Бізді қойшы, Z буыны ағалардың ақылы кем болса, оларды жүре тыңдауды ар санамайды. Ол дұрыс та.

Осының бәрін біліп тұрып, ескіге жармасып, жағымпаздықпен жан сақтап,
өлермендікпен бюрократияға бүйрегі бұрып тұратын кей аға буынды кейде мен де аяймын...

Абай Сейфуллаұлының facebook парақшасынан

Abai.kz

4 пікір