Тоқаев Нұр-Сұлтан қаласының әкімін қабылдады
Қазақстан Президенті Қасым-Жомарт Тоқаев Нұр-Сұлтан қаласының әкімі Алтай Көлгіновті қабылдады.
Мемлекет басшысына Нұр-Сұлтан қаласының негізгі әлеуметтік-экономикалық көрсеткіштері мен бұрын берілген тапсырмалардың орындалуы туралы мәлімделді.
Қасым-Жомарт Тоқаев астананы абаттандыру жұмыстарына тың серпін беруді тапсырды. Сонымен қатар, LRT құрылысындағы жағдайды мұқият зерттеу қажеттігін айтты.
Кездесу барысында Қазақстан Президенті қаланың инфрақұрылымын одан әрі дамыту жөнінде бірқатар тапсырма берді.
Abai.kz
