Арыста тағы жарылыс болды
ҚР Қорғаныс министрлігі баспасөз қызметінің хабарлауынша, инженер-саперлар қойманың дәл алдындағы аумақты оқ-дәрі қалдықтарынан тазалап жүргенде бір оқ-дәрі жарылып, артынша өрт тұтанған.
Өртті әскери өрт сөндірушілер сөндірген. Eшкім зардап шекпеген.
Сондай-ақ, жергілікті тұрғындарға төнген қауіп жоқ.
"Қазақстан Республикасының Қорғаныс министрлігі инженер-сапер бөлімшелері өз жұмыстарын аяқтамайынша, жергілікті тұрғындардың арсенал аумағына жақындауына тыйым салынғанын ескертеді", - делінген хабарламада.
Abai.kz
