Сейсенбі, 17 Қыркүйек 2019
2077 1 пікір 21 Тамыз, 2019 сағат 10:33

Өзбекстан ұлттық валюта бағамын еркіне жіберді

Өзбекстан Ұлттық банкі 20 тамыздан бастап ұлттық валютасы - сумды шетелдік валютаға айырбастау бағамын еркіне жібергенін жариялады.

Ұлттық банктің хабарламасына сәйкес, бұдан әрі валюта бағамын сатушылар мен сатып алушылар анықтайды, бұл шынайы экономикалық қажеттілік.

Ұлттық банктің шешімінен кейін сумның арзандағаны байқалды. 20 тамызда бір доллар 9384 сум болып, бір күн бұрынғы бағамға қарағанда 323 сумға арзандаған.

20 тамыздан бастап Өзбекстанның екінші деңгейдегі банктері де шетелдік валютаны сата бастады.

Өзбекстан билігі осыған дейін валюта бағамын қадағалауында ұстаған.

Нарықтағы соңғы өзгерістерді сарапшылар президент Шавкат Мирзияевтің 30 миллион халқы бар Өзбекстан экономикасына инвестиция тартудағы мақсаты ретінде бағалайды.

Abai.kz

1 пікір