Бұл проблеманы шешуді жергілікті басшыларға тапсыру нәтиже бермейді. Керісінше, жағдайды ушықтырып жіберуі мүмкін. Ал күш көрсету туралы әңгіме болуы мүлдем мүмкін емес. Халықтың көңіл-күйін біз де көріп жүрміз. Сондықтан арты алапат өртке айналмауын мұқият ойластыру керек.

Ұлттық Сенім Кеңесінің қазақ тілді мүшелері бүгін Жаңаөзен, Ақтөбе, Шымкент қалаларына барып кеше алаңға шыққан азаматтармен кездесуі керек (Бұл өңірлерде кеңестің орыс тілді мүшелері бой көрсетпей-ақ қойғаны абзал. "Артық қылам деп тыртық" қылу қаупі бар. Көзі қарақты адам қоғамда ұлтшылдықтың жабайы формасы ультраұлтшылдар пайда болғанын көріп отырған шығар).

Қарағанды, Алматы, Елорда тұрғындарымен кездесуге кеңестің орыс тілді мүшелерін араластыруға болады..

Әрине, халыққа белгілі бір уәделерді беру үшін президент Кеңес мүшелеріне мандат тапсырып, құзіретінің шегін айқындап беруі тиіс..
Барып алып, көздері бақырайып тұрмасын..

Өмір Шыныбекұлының facebook парақшасынан

Abai.kz