سەنبى, 19 قازان 2019
46 - ءسوز 1700 4 پىكىر 4 قىركۇيەك, 2019 ساعات 13:45

"ۇلتتىق سەنىم كەڭەسىنىڭ" سىنالار ءساتى جەتتى...

"كۇندەلىكتى ومىردە دانىشپاننىڭ پايداسى، تەاترداعى تەلەسكوپتىڭ پايداسىنان ارتىق ەمەس" شوپەنگاۋەر

"ۇلتتىق سەنىم كەڭەسىنىڭ" سىنالار ءساتى جەتتى..

كەشە جاڭاوزەندىكتەردىڭ وبلىس اكىمىمەن قالاي سويلەسكەنىن كورگەن شىعارسىزدار.

بۇل پروبلەمانى شەشۋدى جەرگىلىكتى باسشىلارعا تاپسىرۋ ناتيجە بەرمەيدى. كەرىسىنشە، جاعدايدى ۋشىقتىرىپ جىبەرۋى مۇمكىن. ال كۇش كورسەتۋ تۋرالى اڭگىمە بولۋى مۇلدەم مۇمكىن ەمەس. حالىقتىڭ كوڭىل-كۇيىن ءبىز دە كورىپ ءجۇرمىز. سوندىقتان ارتى الاپات ورتكە اينالماۋىن مۇقيات ويلاستىرۋ كەرەك.

ۇلتتىق سەنىم كەڭەسىنىڭ قازاق ءتىلدى مۇشەلەرى بۇگىن جاڭاوزەن، اقتوبە، شىمكەنت قالالارىنا بارىپ كەشە الاڭعا شىققان ازاماتتارمەن كەزدەسۋى كەرەك (بۇل وڭىرلەردە كەڭەستىڭ ورىس ءتىلدى مۇشەلەرى بوي كورسەتپەي-اق قويعانى ابزال. "ارتىق قىلام دەپ تىرتىق" قىلۋ قاۋپى بار. كوزى قاراقتى ادام قوعامدا ۇلتشىلدىقتىڭ جابايى فورماسى ۋلتراۇلتشىلدار پايدا بولعانىن كورىپ وتىرعان شىعار).

قاراعاندى، الماتى، ەلوردا تۇرعىندارىمەن كەزدەسۋگە كەڭەستىڭ ورىس ءتىلدى مۇشەلەرىن ارالاستىرۋعا بولادى..

ارينە، حالىققا بەلگىلى ءبىر ۋادەلەردى بەرۋ ءۇشىن پرەزيدەنت كەڭەس مۇشەلەرىنە ماندات تاپسىرىپ، قۇزىرەتىنىڭ شەگىن ايقىنداپ بەرۋى ءتيىس..
بارىپ الىپ، كوزدەرى باقىرايىپ تۇرماسىن..

ءومىر شىنىبەكۇلىنىڭ facebook پاراقشاسىنان

Abai.kz

4 پىكىر