Дүниежүзілік допингке қарсы агенттік (WADA) ресейлік атлеттердің жаппай допингті кеңінен қолданғаны үшін 2015 жылдың қараша айында оларды дисквалификациялаған. Ресей құрамасы 2016 жылғы Олимпиада ойындары мен 2017 жылғы әлем чемпионатына қатыса алмады. Жарыстарға тек өзінің допинг қолданбағанын дәлелдеген ресейлік атлеттер ғана бейтарап тумен қатыса алды.

Британдық The Telegraph басылымының жазуынша, егер допинг сынамалары туралы деректердің бұрмаланғаны расталса, онда Ресейдің допингке қарсы агенттігінің жұмысы уақытша тоқтатылып, ресейлік спортшылар 2020 жылы Токио Олимпиадасынан шеттетіледі.

Дүниежүзілік допингке қарсы агенттік (WADA) Ресейге Мәскеу зертханасындағы допинг сынамасы деректерін бұрмалау жайлы жорамалдарға байланысты түсініктеме беруге үш апта уақыт берген.

Abai.kz