Иманғалидың деңгейі елшілік емес...
Алматыға келіп халықпен жұмыс барысында бір байқағаным - Заманбек Нұрқаділовке ел риза.
Ол әкім болған тұстары қара халыққа, оның ішінде қазақтарға "Бос жатқан жерлерге барып үй сала беріңдер. Документін құрылыс біткеннен кейін жасайсыңдар" деген кеңес берген. Әкімнің сөзін естіген халық қалаға жақын бос жатқан аудандардан үй сала бастаған. Құрылыс біткеннен кейін құжаттарын туралатқан. Үйлі болған қазақтар Заманбекке осы ісі үшін риза.
Тасмағанбетов түнгі сағат үште көлігімен қардың қалай тазаланып жатқанын аралап тексеретін деген аңыз қалған. Айтқанынан қайтпайтын, іскер әкім еді деген сөзді талай естіп жүрмін.
Қазір қарап отырсаң елге жаққан екі әкімнің бірі бақилық, екіншісі Мәскеуде жүр. Елде болса пайдасы көп тиер ме еді?.. Елшілік деген Иманғалидың деңгейі емес негізі.
Жалпы кесек жігіттердің бәрін ақырындап ығыстырып айтқанынан шықпайтындар билікте қалған секілді.
Бауыржан Серікбайдың facebook парақшасынан
Abai.kz
