Senbi, 28 Naurız 2020
Alañ 5508 0 pikir 2 Mamır, 2014 sağat 17:40

1012,23 GEKTAR JER QITAYLARĞA JALĞA BERİLGEN

“Qazaq-Zerno” attı basıl­ım­nıñ tilşisi Öñirlik damu min­istrligine elimizdegi auılşaruaşılığına paydalanuğa arnalğan qanşa gektar jerdiñ şeteldik käsiporındarğa paydalanuğa berilgeni turalı saual qoydı.

Ministrliktiñ Jer resurstarın basqaru komiteti törağasınıñ orınbasarı Qazıbek Çikanae­vtıñ habarlauı boyınşa, 2014 jıldıñ 1 qañtarındağı mälimet mınaday: şeteldik azamattar men zañdı twlğalarğa paydalanuğa 23588,9 gektar jer berilgen, sonıñ işinde, Qıtaydıñ zañdı twlğalarına 1012,23 gektar jer telimderi jalğa bölinipti.


Eñ soraqılığı sol: bwl komitet kimniñ negizgi jalğa aluşı (ar­endator), al, kimniñ janama jalğa aluşı (subarendator) ekendigin bilmeytin bolıp şıqtı.

Sonda ärbir jerdi jalğa alauşınıñ kim ekendigin, qaydan kelgendigin bilmese, onıñ jeke nemese zañdı twlğa ekendigi turalı monitoring jasamasa, atalğan memlekettik organ nemen aynalısıp otır?..

Jer kodeksiniñ 16 babına säykes jer telimderin beru jergilikti atqaruşı biliktiñ qwzırı bolğandıqtan, ministrlik jauapkerşilikten qaşqaqtağan sıñay tanıtadı...

Osınıñ arasında keybir BAQ-tarda Şığıs Qazaqstan oblısınıñ Ürjar audanında qıtay investiciyası tartılıp, mamandarı men arnayı tehnikaları jetkizilip, bwrşaq eguge birneşe mıñ gektar jerdiñ bölingeni turalı habar taradı.

Şetel qarjıların tartudı, älemdegi aldıñğı qatarlı tehnologiyanı endirudi, eldiñ auılşaruaşılığı önimderiniñ bäsekelestigin arttırudı sıltau etken bilik, ökinişke qaray, bıltırğı jıldıñ kökteminde qazaqtıñ tört tüligin qırıp ketken ausıl dertiniñ Qıtaydan kelgendigin esten şığarıp aldı...

...Osıdan birneşe jıl bwrın qazaqtıñ qaysar twlğası Mwhtar ŞAHANOV bastağan qazaq qoğamınıñ belsendi basım böligi aştıq jariyalap, Qıtaydıñ qazaq topırağında bwrşaq eguine qarsılıq bildirip, biliktiñ betin qaytarıp edi. Endi bwl bitpes “jır” öñir basşısımaqtarınıñ deñgeyine tüsirilip, jañaşa “şırqala” bastadı...

Qajımwqan ĞABDOLLA

Abai.kz

0 pikir