“قازاق-زەرنو” اتتى باسىل­ىم­نىڭ ءتىلشىسى وڭىرلىك دامۋ مين­يسترلىگىنە ەلىمىزدەگى اۋىلشارۋاشىلىعىنا پايدالانۋعا ارنالعان قانشا گەكتار جەردىڭ شەتەلدىك كاسىپورىندارعا پايدالانۋعا بەرىلگەنى تۋرالى ساۋال قويدى.

مينيسترلىكتىڭ جەر رەسۋرستارىن باسقارۋ كوميتەتى توراعاسىنىڭ ورىنباسارى قازىبەك چيكاناە­ۆتىڭ حابارلاۋى بويىنشا، 2014 جىلدىڭ 1 قاڭتارىنداعى مالىمەت مىناداي: شەتەلدىك ازاماتتار مەن زاڭدى تۇلعالارعا پايدالانۋعا 23588,9 گەكتار جەر بەرىلگەن، سونىڭ ىشىندە، قىتايدىڭ زاڭدى تۇلعالارىنا 1012,23 گەكتار جەر تەلىمدەرى جالعا ءبولىنىپتى.

ەڭ سوراقىلىعى سول: بۇل كوميتەت كىمنىڭ نەگىزگى جالعا الۋشى (ار­ەنداتور), ال، كىمنىڭ جاناما جالعا الۋشى (سۋبارەنداتور) ەكەندىگىن بىلمەيتىن بولىپ شىقتى.

سوندا ءاربىر جەردى جالعا الاۋشىنىڭ كىم ەكەندىگىن، قايدان كەلگەندىگىن بىلمەسە، ونىڭ جەكە نەمەسە زاڭدى تۇلعا ەكەندىگى تۋرالى مونيتورينگ جاساماسا، اتالعان مەملەكەتتىك ورگان نەمەن اينالىسىپ وتىر؟..

جەر كودەكسىنىڭ 16 بابىنا سايكەس جەر تەلىمدەرىن بەرۋ جەرگىلىكتى اتقارۋشى بيلىكتىڭ قۇزىرى بولعاندىقتان، مينيسترلىك جاۋاپكەرشىلىكتەن قاشقاقتاعان سىڭاي تانىتادى...

وسىنىڭ اراسىندا كەيبىر باق-تاردا شىعىس قازاقستان وبلىسىنىڭ ءۇرجار اۋدانىندا قىتاي ينۆەستيتسياسى تارتىلىپ، ماماندارى مەن ارنايى تەحنيكالارى جەتكىزىلىپ، بۇرشاق ەگۋگە بىرنەشە مىڭ گەكتار جەردىڭ بولىنگەنى تۋرالى حابار تارادى.

شەتەل قارجىلارىن تارتۋدى، الەمدەگى الدىڭعى قاتارلى تەحنولوگيانى ەندىرۋدى، ەلدىڭ اۋىلشارۋاشىلىعى ونىمدەرىنىڭ باسەكەلەستىگىن ارتتىرۋدى سىلتاۋ ەتكەن بيلىك، وكىنىشكە قاراي، بىلتىرعى جىلدىڭ كوكتەمىندە قازاقتىڭ ءتورت تۇلىگىن قىرىپ كەتكەن اۋسىل دەرتىنىڭ قىتايدان كەلگەندىگىن ەستەن شىعارىپ الدى...

...وسىدان بىرنەشە جىل بۇرىن قازاقتىڭ قايسار تۇلعاسى مۇحتار شاحانوۆ باستاعان قازاق قوعامىنىڭ بەلسەندى باسىم بولىگى اشتىق جاريالاپ، قىتايدىڭ قازاق توپىراعىندا بۇرشاق ەگۋىنە قارسىلىق ءبىلدىرىپ، بيلىكتىڭ بەتىن قايتارىپ ەدى. ەندى بۇل بىتپەس “جىر” ءوڭىر باسشىسىماقتارىنىڭ دەڭگەيىنە ءتۇسىرىلىپ، جاڭاشا “شىرقالا” باستادى...

قاجىمۇقان عابدوللا

Abai.kz