«Qyz Jibek» filimindegi әigili qyzghylt qamzol aldaghy «Qazaq aruy» bayqauynyng sahnasynda qayta janghyrady. Bayqaudyng negizin qalaushy Bayan Maqsatqyzy jana mausymdy qazaq kinosynyng anyzy Meruert Ótekeshova men Qyz Jibek beynesine arnaytynyn aitty.

Produser búl turaly «Talk Like» baghdarlamasyna bergen súhbatynda mәlimdedi. Onyng aituynsha, Meruert Ótekeshova bayqaugha arnayy shaqyrylyp, qúrmetti qonaq retinde tórden oryn alady. Al qatysushy arulardyng barlyghy «Qyz Jibek» filimindegi әigili qyzghylt qamzol ýlgisindegi kiyimmen sahnagha shyqpaq.

«Men ýshin «Qyz Jibek» – qazaqstandyq filimderding ishindegi eng ýzdigi. Ony naghyz jauhar tuyndy dep esepteymin. Sondyqtan bayqaudy Meruert Ótekeshova men Qyz Jibekke – qazaq qyzynyng súlulyghy men tazalyghynyng simvolyna arnaudy sheshtim. Alghashqy «Qazaq aruy» bayqauy da «Gәkku» әnimen bastalghan edi. Ol kezde de osy filimge degen qúrmetimizdi bildirdik, – dedi Bayan Maqsatqyzy.

Produserding sózinshe, «Qazaq aruynyn» qalyptasqan erejeleri men negizgi talaptary ózgermeydi. Óitkeni әlemdegi kez kelgen súlulyq bayqauynyng óz tәrtibi, formaty men dәstýri bar. Al jana bayqaudyng tolyq tújyrymdamasy әzirge bekitilmegen. Úiymdastyrushylar dayyndyqty is-sharagha eki ay qalghanda bastaydy. Bayqaudy qazan nemese qarasha aiynda ótkizu josparlanyp otyr.

Súhbat barysynda Bayan Maqsatqyzy «Qazaq aruy» jenimpazdarynyng keyingi taghdyry turaly da pikir bildirdi. Onyng aituynsha, bayqau arulargha tanylugha jol ashady, alayda sol mýmkindikti dúrys paydalanu әr jenimpazdyng ózine baylanysty.

«Men «Qazaq aruy» jenimpazdarynyng bolashaghyna jauapty emespin. Olardyng arasynda jaqsy aktrisa, tanymal bloger, dizayner atanghandar bar. Bir kýnning ishinde elge tanymal bolu – ýlken mýmkindik. Al odan әri sol mýmkindikti qalay paydalanatyny qyzdyng ózine baylanysty. Eger ol jeniske belgili bir maqsatpen kelip, tәjdi óz qabiletin damytu ýshin dúrys qoldana alsa, aldynan talay esik ashylady. Men olargha jol men mýmkindik beremin, – dedi produser.

Bayan Maqsatqyzy «Qyz Jibek» filimindegi qyzghylt qamzoldyng ózine tabystaluyn kezdeysoqtyq dep sanamaytynyn jetkizdi. Onyng aituynsha, jәdigerge qatysty qoghamda tughan pikirtalas keyin Meruert Utekeshovagha kómektesu turaly sheshim qabyldauyna sebep bolghan.

«Men Jaratqannan kelgen belgilerge senemin jәne olardy týsinuge tyrysamyn. Nelikten búl qamzol basqa adamgha emes, dәl maghan keldi? Nege ol Qazaqstanda sonshalyqty ýlken әngime tudyrdy? Men múnyng bәri jaydan-jay bolmaghanyn týsindim. Qamzoldy erte me, kesh pe muzeyge tapsyratynymdy biletinmin. Tek qay muzeyge beretinim belgisiz edi, – dedi produser.

Keyin ol jurnalist Mayya Bekbaevanyng Meruert Ótekeshovamen súhbatyn kórip, aktrisanyng jeke baspanasy joq ekenin bilgen. Osydan song júbayy Túrsynghaly Alagózovpen aqyldasyp, oghan tolyq jabdyqtalghan pәter syilaudy úigharghan.

«Súhbatty kórgennen keyin búl maghan berilgen belgi ekenin týsindim. Kýieuime Meruert apaygha pәter syilauymyz kerek ekenin aittym. Ol birden kelisti. Men jay ghana bos pәter bergim kelmedi. Ýige kirip, birden ómir sýre alatynday, eshtenege alandamaytynday jaghday jasaghym keldi, – dedi Bayan Maqsatqyzy.

Produser búghan deyin Meruert Ótekeshovagha ómir boyy ay sayyn bir million tenge kóleminde qarjylay qoldau kórsetetinin mәlimdegen. Onyng aituynsha, búl kómek aktrisanyng kýndelikti túrmystyq qajettilikterge alandamay, shygharmashylyqpen ainalysuyna mýmkindik beredi. Bayan Maqsatqyzy súhbat kezinde Meruert Ótekeshovanyng sinlisimen birge Týrkiyada demalyp jýrgenin de aitty. Aktrisanyng sózinshe, búl – onyng ómirindegi shetelge arnayy demalysqa alghash ret shyghuy.

«Ol maghan suretterin jiberip, ózin ertegige tap bolghanday sezinip jýrgenin aitty. Demalyp, jana kýshpen oralyp, studentterge sabaq beredi. Onyng búdan bylay qarapayym túrmystyq qajettilikter ýshin alandamay, ómir sýrip, quanghanyn qaladym, – dedi produser.

Abai.kz