Jwma, 24 Qañtar 2020
Jañalıqtar 3044 0 pikir 17 Säuir, 2009 sağat 06:00

«EKSPO BAĞINDA» 70 TÜP ALMA AĞAŞI OTIRĞIZILDI

Aqmola oblısı, Arşalı audanına qarastı Arnasay eldi mekeninde 5 mamır küni erekşe is-şara ötti. Auıldağı «Vyaçeslav» orta mektebi «Astana EKSPO-2017» mamandandırılğan halıqaralıq körmesine oray özgelerge ülgi bolarlıq aytulı şaranı qolğa alıptı.

Qazaqstan TMD elderiniñ işinde alğaş bolıp 2017 jılı, «bolaşaqtıñ energiyası» degen taqırıppen «Astana EKSPO-2017» halıqaralıq körmesin ötkizetini belgili. Osığan oray elimizde auqımdı şaralar qolğa alınıp, qoldau, nasihattau jwmıstarı jürgizilude. Solardıñ qatarında - «Vyaçeslav» mektebiniñ öz aulasında «Ekspo bağın» ornatuı. Bwl şaranıñ tağı bir erekşeligi; onıñ Wlı Jeñistiñ jetpis jıldığına oraylastırıp, mektep aumağında jetpis tüp alma ağaşı otırğızıluı. Şara Memlekettik Änwranımen bastalıp, äskeri bölim jauıngerleri soğısta qaza bolğan jauıngerlerdiñ qwrmetine arnap oq atu räsimin orındadı.

         Şaranı wyımdastıruşılar - «Astana EKSPO-2017» wlttıq kompaniyası, «Jasıl» ekonomikanı qoldau jäne G-Global-dı damıtu koaliciyası, Wlıbritaniyanıñ Qazaqstandağı elşiligi, G-GLOBAL Halıqaralıq hatşılığı, «Aqbota» qoğamdıq qorı jäne «Twraqtı damu» Jer qorı.

Atalğan bilim ordasında osınday is-şaranıñ ötui tegin emes. Öytkeni mektep oquşıların birinşi sınıptan bastap otandı süyu, tabiğattı ayalau qasietterine baulidı. Olar qorşağan ortağa ziyansız energiya közin paydalanudı söz jüzinde ğana emes, naqtı isterimen däleldeude. Aytalıq, mektep aulasındağı şağın jer teliminde oquşılardıñ özderi ösiretin jılıjaylar ornalasqan. Onı kütip-baptau üşin ozıq tehnologiyalar paydalanıladı. Mäselen, sudı jılıtuğa kün batereyaların jäne jarıq iodtı jarıqtandırudı, sonday-aq jılıtu maqsatında pirolizdik peşti qoldanadı. Büginde jılıjayda tamşılatıp suaru ädisi men su sebuge arnalğan jañbırlatqış saptamalardı qoldanısqa engizip otır.

«EKSPO bağına» jetpis tüp alma ağaşın otırğızu akciyasına Qazaqstan Respublikası Parlamenti deputattarı: Serik Nögerbekov, Aygül Solov'eva, Serik Ospanov, Nadejda Nesterova, Wlıbritaniyanıñ Qazaqstandağı elşisi Kerolin Braun, «Astana EKSPO-2017» wlttıq kompaniyasınıñ Basqaruşı direktorı Saltanat Raqımbekova jäne jergilikti tıl ardagerleri, auıl jwrtşılığı, jastar wyımdarı men bwqaralıq aqparat qwraldarı ökilderi qatıstı.

Akciya barısında söz alğan senator S.Nögerbekov «Astana EKSPO-2017» halıqaralıq körmesiniñ mañızı men mänin aytıp, bügingi is-şarağa rizaşılığın jetkizdi. Jetpis tüp alma ağaşınıñ keleşekte ülken aumaqtı alatın jetpis mıñ tüp alma ağaşı bar alıp baqqa aynaluına tilektestigin bildirdi. Wlttıq kompaniyanıñ Basqaruşı direktorı Saltanat Raqımbekova osı akciyanı ötkizuge qoldau körsetken mektep wjımına alğıs ayttı. Sonday-aq, bilim ordasınıñ elimizdegi basqa mektepterge ülgi bolatınına senim arttı.

İs-şara kezinde Vyaçeslav mektebiniñ oquşılarına «Ekspo bağın saqtauşı» degen sertifikat saltanattı türde tabıs etildi. Jiın soñı merekelik koncertpen ayaqtaldı.

Abay-aqparat

0 pikir