Senbi, 19 Qazan 2019
Sañlaq 3184 3 pikir 4 Qırküyek, 2019 sağat 12:21

#Abai175: Golovkin estafetanı eleusiz qaldıra ma?

2020 jılı wlı Abaydıñ tuğanına 175 jıl toladı. Osığan oray, memleket basşısı Qasım-Jomart Toqaev Abay Qwnanbaywlınıñ 175 jıldıq mereytoyın respublikalıq deñgeyde toylau turalı jarlıq şığarğan bolatın.

El prezidentiniñ bastamasınan keyin wlı aqınnıñ mereytoyın auqımdı türde atap ötuge jan-jaqtı dayındıq jwmıstarı jürip jatır.

Şilde ayınıñ basında 9 jastağı mektep oquşısı Läylim-Şıraq Erlanqızı «Abay öleñderin jatqa oqu» estafetasın bastap, onı prezident Qasım-Jomart Toqaevqa joldağan edi. Memleket basşısı bwl estafetanı quanışpen qabıl alıp, wlı aqınnıñ öleñin oqıdı. Äri estafetanı odan äri Bilim jäne ğılım ministri Ashat Aymağambetovke, Mädeniet jäne sport ministri Aqtotı Rayımqwlovağa jäne bükil älemdi moyındatqan talanttı änşi Dimaş Qwdaybergenge joldadı.

Älemge äygili änşi Dimaş Qwdaybergenniñ türtki boluımen bwl challenge Qazaqstan şekarasınan şığıp, älemdik masştabqa köterildi. Är eldiñ sayasatkerleri, önerpazdarı, sportşıları Abay öleñin jatqa oqıp, jarısqa tüsti deuge boladı.

Älem tanığan adamdardıñ keybiri wlı aqınnıñ öleñin oqıp, estafetanı öz elimizden şıqqan tanımal twlğalarğa wsınğan. Alayda, keybir öz wlandarımız bwğan qızığuşılıq tanıtpaytın sekildi.

Jaqında ataqtı "Taksi" fil'miniñ akteri Sami Naseri Abay öleñderin oqu estafetasına qatıstı. Francuz akteri Abay Qwnanbaywlınıñ "Sağattıñ şıqıldağı emes ermek" attı öleñin francuz tilinde oqığan eken.

Ol estafetanı Mwrager Sauranbaevtan alıp, qazaqstandıq boksşı Gennadiy Golovkinge joldadı.

- Meniñ atım Sami Naseri. Men francuz akterimin. Dosım Mwragerden joldauın aldım. Sonday-aq, joldauımdı arı qaray tanımal boksşı Gennadiy Golovkinge tapsıramın", – dedi akter.

Sami Naseri 25 tamız küni Golovkinge estafetanı joldağan. Odan beri on kün ötse de, qazaqstandıq ataqtı boksşı bwğan eleñ ete qoyğan joq.

Golovkindi challenge-ge şaqırğan jalğız francuz akteri ğana emes. 2 qırküyek küni qıtaylıq milliarder, Alibaba internet-korporaciyasınıñ negizin qalauşı Djek Ma da Abaydıñ öleñin oqıp, estafetanı Gennadiy Golovkinge wsındı.

Djek Ma QR-nıñ Qıtaydağı Elşisi Şahrat Nwrışevtıñ estafetasın qabıl alıp, qıtay tilinde Abaydıñ «Qwlaqtan kirip, boydı alar» öleñin oqıdı.

- Qwrmetti dostar, men Djek Mamın. Kelesi jılı Qazaqstanda qazaqtıñ wlı aqını jäne oyşılı Abaydıñ 175 jıldığı toylanadı. Bügin men Qazaqstannıñ Qıtaydağı elşisi Nwrışev mırzadan estafetanı qabıl alıp, sizderge Abaydıñ öleñin oqıp beremin,- dedi milliarder.

Odan beri de eki-üş kün ötti. GGG tağı ünsiz. Bir emes, eki birdey älemge äygili şeteldik atın atasa da Golovkin ün qatpaytın sekildi. Biz bwl jerde Golovkin estafetanı qabıldap, öleñ oquğa mindetti demeymiz. Oğan bola eşteñe özgermeydi de. Biraq, öz eliniñ patriotı retinde bir minuttıq video jariyalau dañqtı boksşı üşin asa qiın bolmas edi...

Ayta keteyik, Golovkin 5 qazan küni N'yu-York qalasındağı Madison Square Garden keşeninde ukrainalıq boksşı Sergey Derevyançenkomen jekpe-jek ötkizedi. Bwl kezdesude orta salmaqtağı IBF twjırımınıñ beldigi sarapqa salınadı. 

Quanış Qappas

Abai.kz

3 pikir