Шынның жүзі

ЖЕР КОМИССИЯСЫ ОТЫРЫСЫ ТЕАТРЛАНҒАН ҚОЙЫЛЫМҒА АЙНАЛЫП БАРА ЖАТҚАН ЖОҚ ПА?

Әріптің көлемі: Қалыпты
  • Қалыпты
  • Үлкен
  • Көлемді

Жер комиссиясының кезекті отырысы Алматы облысының Талғар ауданына қарасты «Байсерке агро» агрокешенінде өтті. Өткен жолғы басқосу белгісіз себептермен болмай қалған еді. Бұл жолы, Құдая тәубе, жер комиссиясының жиыны ойдағыдай ұйымдастырылды. Бірақ, жиналыс соңына қарай «Алматы облысының атқамінерлері «жерді шетелдіктерге жалға беру керек» деген позициядағы адамдарды арнайы дайындап, театрландырылған қойылым қоймақ болды» деген сын айтылды. Бұл қаншалықты рас сөз? Біз осы мәселенің мән-жайын білмек болып комиссия мүшелеріне сауал қойған едік, олар былай деді:

Дос Көшім, саясаттанушы:

– Бұл жолғы жиынның ең басты ерекшелігі комиссия басшылығының өзгеруі болды. Бақытжан Сағынтаев мырза Алматы облысындағы жиынды соңына дейін өзі басқарып, ендігі тізгінді Асқар Мырзахметов мырзаның қолына тапсырды. Бес жарым сағатқа созылған жиналыста әртүрлі позициядағы пікірлер айтылды. Рас. Жиын басында «жерді шетелдіктерге жалға беру керек» деген ойды айтқан біраз азаматтар болды. Меніңше, олар осы Алматы облысы аумағында көп мөлшерде жер иеленіп алған адамдар болуы мүмкін. Бәлкім үкімет ыңғайымен жүріп тұратын үкіметтік емес ұйымның төрағалары шығар. Олардың пікіріне залда отырған төрт жүзге жуық азаматтың ішінен сөз сөйлегендер жеткілікті деңгейде қарсылық көрсетті деп ойлаймын. Мен мұны біріншіден биліктегі бірқанша адамдардың, жері көп азаматтардың пікірі деп білемін. Екіншіден, олар да өз ойларын айтуға құқылы. Үшіншіден «әкімдіктегілер арнайы дайындады» деп көзбен көріп, қолмен ұстамаған жайтты сөз еткім келмейді. Жиынға қатысушылар олардың сөзіне селт етпеді. Керісінше, «жерді шетелдіктерге жалға беруге болмайды» деген ыңғайда сөйлегендерге көп қол соғылды. Жалпы, арнайы дайындалған қойылым ешқашан шынайы шықпайды. Шынайы айтылмаған пікір ешкімді ұйытып әкете алмайды. Сонымен қатар, өз басым жерге қатысты екі жақты пікірдің болуын заңдылық деп қараймын. Мәселен, жиында Рысбек Сәрсенбайұлы мен Хасен Қожа-Ахмет комиссияның жұмысын қатты сынға алды. Бұл сындар шынайы болғанын мойындауымыз керек.

Осы уақытқа дейін жер комиссиясының бес жиыны өтті. Енді уақыт оздырмай осы уақытқа дейін айтылған мәселелерді жинақтап, аралық бір қортынды жасау қажет сияқты.

Мысалы, жерді қазақстандықтарға жалға беруді комиссияның барлық мүшесі қолдап отыр. Яғни, бәріміз бір келісімге келіп отырмыз. Оны кейінге қалдырмай Парламентке ұсына беруге болады. Бұл- бірінші мәселе.

Екінші мәселе, ауыл айналасындағы жайылым жерлерді сатуға да, жалға беруге де болмайды. Қазір еліміздің көп жерінде ауыл халқы мал жаятын жер таппай қиналып жүр. Сондықтан, ауыл маңындағы жайылымдық жер жекеменшікте болмауы қажеттілігін бекітетін Заң керек. Мұндай Заңның үлгісі іргедегі қырғыз ағайындардың өзінде де бар көрінеді. Бұл мәселеде де комиссия мүшелерінің ойы бір жерден түйісіп отыр. Бұл жайылымдық жерлер сол аймақтағы тұрғын саны, мал санымен есептеліп, реттелгені дұрыс деп отырмыз.

Үшінші мәселе, шекара маңындағы жерлер мүлдем сатылмауы, жалға берілмеуі керек. Шекара маңынан шамамен 100-150 шақырымдай жер мемлекеттің қарауына беріліп, ешкімге сатылмауы һәм жалға берілмеуі тиіс.

Міне, осындай мәселелерді бір жинақтап, комиссияның нақты жұмысын көрсететіндей етіп, Парламентке өз ұсынысымызды ұсынғанымыз жөн.

Жиындарда бүгін айтылған жайтты ертең қайталап отырмас үшін комиссия отырысын екі аптада бір рет өткізіп, комиссия ішінен құрылған төрт жұмысшы тобының жұмысын жандандырған дұрыс.

Біз басында комиссия бүкіл облыстарды аралап, халықпен жүздесуі қажет дегенбіз. Әрине, барлық Қазақстанды қамту үшін комиссия мүшелері 10-15 адамнан бөлініп, бірден үш-төрт облысты аралағаны жөн болар еді. Қазір заманауи технологиялардың дамыған заманы. Сол технологиялардың көмегімен барлық жиындарды бір орталықтан қадағалап отыруға болады деп ойлаймын.

Осылай жұмысты қарқынды жүргізбесек, қыркүйекке дейін Заң жобасын дайындап үлгермей қалуымыз мүмкін.

Әрине, әр жиында артықшылықтармен бірге кемшіліктер де көп болып жатыр. Мәселен Алматы облысындағы жиында жерді жалға беруді инвестиция тарту деп қана түсінетін адамдарды көрдік. Тіпті кейбіреулер жерді жекеменшікке алу мен жалға беруді ажырата алмайтынын байқадық.

Мұхтар Тайжан, экономист:

– Алматы облысындағы жиналыстан бір күн бұрын облыс әкімінің орынбасарларының бірі шаруалардың басын қосып жиын өтіпті дегенді естіген едім. Ертесі күні комиссияның отырысында алғашқы болып сөз сөйлеген жиырмаға жуық адам жерді шетелдіктерге жалға беру керек деген позицияда болды. Егер де арнайы тапсырма болмаса, дәл осындай болмас еді. Маған Алматы облысындағы жиыннан гөрі Көкшетауда өткен мәжіліс ұнады. Себебі, арнайы дайындалған сценариймен елдің адастыруды ұят деп ойлаймын.  

Бұдан кейін бұл жайт қайталанбауы қажет. Жасанды жиын өткізіп, халықты алдаудың керегі жоқ. Мысалы, Көкшетауда бәрі шынайы өтті ғой. Облыстағы жиналыстардың бәрі сол ізді жалғағаны дұрыс.

Енді сөзден гөрі нақты іске көшетін кез келген сияқты. Мәселен, комиссиядағылардың бәрі дерлік өз азаматтарымызға жерді жалға беруге қарсы болып отырған жоқ. Демек, бұл мәселені жүйелеп Парламентке ұсына беруге болады деп ойлаймын.

Жер мәселесі жайын талқылап жатқанда тағы да өзге проблемалар туындап жатыр. Яғни, қазір тоқмейілсуге әлі ерте деп ойлаймын. Сондықтан халқымыз бұл мәселеге енжар қарамай, қолдауын білдіріп отырса деген тілегім бар.


Дәурен Бабамұрат, саясаттанушы:

– Алматы облысындағы жиналыс жоғарғы деңгейде ұйымдастырылды деп ойлаймын. Арнайы дайындалған біржақты ғана пікірлер айтылды дегенге өз басым қосылмаймын. Екі жақ та өз ойларын жеріне жеткізіп айтты. Негізі әр тарапты пікірлердің болғаны да дұрыс.

Мені бұдан да басқа мәселелер толғандыратынын айтқым келеді. Мысалы комиссияда жетпіске жуық мүше бар. Алматы облысындағы жиынға сол жетпістің қырыққа жуығы ғана қатысты. Меніңше, осы мәселені халық пен мемлекет бізге сеніп тапсырғандықтан, төрт көзіміз түгел болғанымыз дұрыс. Бұл - бір.

Екінші мәселе, комиссия аймақтарға не үшін шығатынын қаперден шығарып алмауымыз қажет. Мәселен, Алматы облысына келдік пе, сол облыстағы жерге қатысты қордаланған проблемалармен танысуымыз, сол проблемаларды шешудің жолын қарастыруымыз керек. Бес жиында да бір мәселені көтеріп келе жатқан азаматтар бар. Осыны тиып, жүйелі түрде әр жиналысқа үлкен дайындықпен келуге тиіспіз. Әкімдіктер өз облысындағы жағдайдан толыққанды мағлұматты алдын-ала комиссия мүшелеріне табыстаса жақсы болар еді (Алматы облысының әкімдігі мұндай ақпараттарды дайындаған екен. Бірақ, біз онымен жиын барысында таныстық). Сонда аудан-аудан бойынша негізгі деген мәселелерді жиып алып, талқыға салар едік.  

Өзім басым бұл жиында үш мәселені көтердім.

Оның біріншісі – Заңда көрсетілгендей тұрғындарға 10 сотық беру мәселесі. Алматы қаласында елге беретін жер жоқ екені жиі айтылады. Ал, Алматының іргесіндегі Іле, Талғар, Қарасай аудандарының кез-келген ауылына кірсеңіз, тақтайшадағы «жер сатылады» деген жарнаманы көресіз. Бұл жерлердің бәрі бір кездері ауылшаруашылық саласына пайдаланылған. Қолы жеткендер оның әр сотығын ауылшаруашылығы мақсатына 4 мың теңгеден (одан едәуір қымбат болуы мүмкін) сатып алып, құжатын дайындап бес жүз мыңнан миллион теңге аралығында сатып жатыр. Мұның шекті бағасы анықталуы қажет. Меніңше, болмашы ғана ақшаға алған жерін мың есе бағаға сатып жатқандарды шектеу қажет. Халық сонда ғана қолжетімді бағаға тұрғынүй салатын жер сатып алуға мүмкіндік алар еді.

Екінші мәселе, жол бойындағы жерді сатуға да, жалға беруге де болмайды. Талғар ауданынан бір адам хабарласып, өзінің жайлауына баратын жолды әлдекімдердің сатып алғанын айтып, шағымданды. Халық өз жайлауына бара алмайтын жағдайға жеткен.

Үшінші жайт, өзендер мен арықтар, су ресурстары мемлекеттің меншігінде болғаны дұрыс. Мәселен, қазір кейбір адамдар өзеннің бас жағын жекелікке алып алып, аяқтағы халыққа су бермей зар қақсататын көрінеді.

Түйін

Әрине, жиын болмай қалса, «өтпеді» деп шулаймыз. Өтсе, «театрланған қойылым қойылды» деп тағы да сын садағын дайындап тұрамыз. Бұл біздің ойымызша етектен тарту емес, керісінше комиссияның жұмысын қожыратып алмау үшін айтылып жатқан сыни ойлар деп түсінгейсіздер. Жер мәселесі – ұлт мәселесі. Ұлттың жайы шындықты шырылдап айтқан кезде ғана түзеледі. Әйтпесе, бес жарым сағатта сөйлеп үлгерген 56 адамның бәрі «әртіс болмағанын» халық біліп отыр...

Қанат Бірлікұлы

Abai.kz

62 пікір 12174 рет оқылды Қосылған: 20.06.16
    • #1
    • Режиссёр
    • дн, 20/06/2016 - 2:26

    Біздің үкіметтін сценарийлері тозды енді ол өтпейді, күлкі болудың не қажеті бар,әртістерде шаршап бітті гой енді оларда образға кіре алмайды, мен болсам бәрін айырбастар едім

    • #2
    • Айту
    • дн, 20/06/2016 - 3:25

    Мында бipeусi кыркуйек ке дейiн улгеру керек деген соз окып калдым.Сохан дейiн куйекке шыхып улгеру керекпе екен не?...
    Жау куып келеме?.тусiнiксiз.Улгермесе кыркуйекке дейiн,калай айтты сол айтканы болып калама?.не.
    Баска ел дiн жерi eмес оз жер iмiзде оз жерлерiнде отырган жоксындарма..
    Мейлi коп жыл отырып откiзе берiндер.Тек жер ешкайдада сатылмайды да,берiлмейдi де деген деп,указ приказ моротори санотори, общем пайдалы зан закон шыкарсын.немесе Соны шыкаруга ат салысындар.болды бiттi баска ештене керек емес...
    Мейлi келесi,тiптi аргы жыл дын кыркуйек ki болсада...

    • #3
    • Мұратбек Есенғазы
    • дн, 20/06/2016 - 5:44

    Иван өзіне арнап жаздырған "жер туралы кодексінің" күшін толықтай жою керек. Сонда ғана қазақ жерінің мүддесі шынайы қорғалады!!!

    • #4
    • 18+
    • дн, 20/06/2016 - 8:23

    Шынында да алғашында көтерілген мәселелер "сиырқұйымшақтанып" бара жатқан секілді. Мен басында-ақ айтқам, мына заманауи технология дамыған кезде комиссия қанша ақша шығарып, халық арасына неменеге шығады деп. Бұл әлгі елбасының жолдауын халыққа түсіндіру саясатының жалғасы ғой. Осы басқа елдің президенттері жолдауларын халыққа жолдап жатады, бірақ бір жерде соны халыққа қайтадан "разьяснятьттап" жатқанын естімеппін. Бізде 50 [или 30, запутались уже] елдің қатарына кірсек те, 100 қадам жасасақ та соны халықтың құлағына қайтадан құю керек. Әлде біздің халық сонша тупой ма... Бұл ана бездельник депутаттарға да бап болды, халық арасына шығып "нахаляву бешбармачить" етуге

    • #5
    • Қазақ үні
    • дн, 20/06/2016 - 9:16

    Ағайын, Туған Жер үшін қорқау биліктің түрмесінде таланып жатқан АЗАМАТТАРДЫ БІР СӘТТЕ ЕСТЕН ШЫҒАРУҒА БОЛМАЙДЫ деп ойлаймын!!! Сондықтан, комисия құрамындағы М.Шаханов Ағамыз бастаған Азаматтар бұл сұрақта ТАБАНДЫЛЫҚ ТАНЫТҚАНЫ ДҰРЫС! жиналыстың бірінші сұрағы АЗАМАТТАРЫМЫЗДЫҢ ТАҒДЫРЫ туралы қойылуы тиіс!!! Биліктің екіжүзді саясаты осы сұрақты шешумен анықталады!!!

    • #6
    • Біз
    • дн, 20/06/2016 - 9:33

    Әкімдердің қоғамдық кеңестері де, Жер комиссиясының отрысы да спектакль. Сызылып берілген схема бойынша өтіп жатқаны көрініп тұр. Халықтың қанын қарайтып біттіңдер, мырзалар. Ойындарыңды кім үшін қойып жүрсіңдер? Жер сатылса, тәуелсіз Қазақстан адыра қалады. Тіпті өз ішімізде сатылса, орысы бар, ұйғыры бар, корейі бар талай жер жат жұрттықтардың қолына өтеді. Сонда жарты жерімізден айрылып тынамыз. Осыған бастарың жетпей ме, мырзалар? Шетелдіктерге мүлде сатуға да, жалға беруге де болмайды! Тоқтатыңдар, мынадай масқараны! Мырзахметов мырза, басты әртіс өзіңіз болдыңыз! Қазақтың азаматысыз. Елдің, балаларыңның болашағын бір сәт көз алдыңызға елестетіп көріңіз. миыңыз тек жоғарының тапсырмасымен айналып кетпесе, мынадай шоуды тоқтату керек. Әкімдердің дежурный адамдары, сату керек, жалға беру керек, қарқ боламыз деп қақылдап отыр. Тамақтарыңа тас тығылғырлар, тас тығылып неге тұншығып қалмайды бұл сұмырайлар. Қысақсы, Жер комиссиясы халықтың үмітін ақтамайды, құрдымға бастап келеді. Сеніміміз жоқ! Таратыңдар! Ертең халықтың қарғысына ұшырағалы отырсыңдар! Қазақтың жері ешкімге сатылмасын, жалға да берілмесін!

    • #7
    • Қазақбай
    • дн, 20/06/2016 - 9:47

    Ей, жоғарыдағы мыразалар! Жерді сатпай, жалға да бермей, әкелгелі өліп отырсаңдар шетелдің технологиясын әкеліңдер. Инвестицияны өңдеуші кәсіпорындар ашуға жұмсасын. Неге сонша жерге жабысып алдыңдар? Жерде не аталарыңның құны бар? Халықтың меншігіне неге қол салуға құмар болып алдыңдар? Неге қоймай-қоймай жер-анамызды талағыларың келеді? Неге қазақты қасіретке ұшыратқалы отырсыңдар? Солтүстіктегі бес облыс, Алматы, Шығыс Қазақстан облыстарының шұрайлы жерлері орыс пен ұйғырдың, қытай мен корейдің қолында кетсін деп жоспар құрып отырсыңдар ма, әлде? Әлде, бәрін сатып жіберіп, енді соны заңдастыру үшін бар өнерлеріңді салып жатырсыңдар ма? Халықтың талабын неге елемейсіңдер? Әлде халықтың қызметшілері екендеріңді ұмытып қаласыңдар ма? Неге біріңнің аузыңа бірің түкіріп қойғандай жер рефомасын жүргізгіш болып, білгішсініп, белсеніп алдыңдар? Неге әкімдер өзіне жақын сайрағыш шаруаларды сайратып, халықты алдайды? Неге Қазақстанда кімнің қолында қанша жер бар, қанша көл жағалауын кімдер иеленіп отыр, қанша алтын кеніштері сатылып кетті деген мәселе алдымен анықталып, ел назарына ашық ұсынылмайды? Неге? Неге?

    • #8
    • жанашыр қазақ
    • дн, 20/06/2016 - 10:12

    Жерді сату немесе жалға беруге көндіру жөніндегі комиссия жұмысына онсыз да ел экономикасында дағдарыс меңдеген уақытта тоқтау салу керек. Себебі казірдің өзінде жерді ешкімге де сатуға болмайтыны және шетелдіктерге жалға да беруге болмайтыны анықталды ғой. Сонымен бірге ел шекарасы мен елді мекен айналасы ешкімге де жалға берілмесін деген де дұрыс , толық қолдаймын. Әрине оның түрлі себептері бар. Сондықтан театрландырылған көрініс үшін босқа қаржыны шаша бермей тез арада халықтың мүддесін қорғайтын олар қалаған шешімді алып , комииссия жұмысын тоқтатқан жон. Қайта осы үнемделген қаржыны ел экономикасы мен тұрмысын котеруге жұмсаған жөн. Мектептер салынсын.

    • #9
    • Біз
    • дн, 20/06/2016 - 10:41

    Комиисияға тоқтау салынсын! Сенім жоқ! Тарт қолыңды Қазақтың Жерінен!

    • #10
    • Қиясбай
    • дн, 20/06/2016 - 10:45

    Бұлар қалайда қыркүйекке дейін мәселені буаз қылу үшін күшеніп жатыр! Одан кейін қалай туса олай тусын. Біз жауап бермейміз деп отыр ғой. Алимент төлемей қашып кетеміз деп. Атасының басы. Халық мүддесі ескерілмесе, осылар, тв-дан сайрап жүргендер ертең жауап береді! Халық құстырады.....

    • #11
    • Тағы бір жанашыр
    • дн, 20/06/2016 - 10:50

    Жерді әлдеқашан алып алғандар, әкімдердің жандайшаптары әрине жер сатылсын, жалға берілсін деген пікірді жақтайды. Мал жаятын жері жоқ,, аяқ басса жер иесі келіп қоқаңдап есін шығаратынын білетін қара халық қарсы.
    Айналайындар-ау, жерді тыңайтып, игеріп көрді ғой КСРО кезінде. Қане мүйізіміздің шыққаны. Енді әлдекімдер алса жерді құнарландырады дейді. Оттаған сөз. Мына заманда ешкім ешкімге бағынбайтын, бәрін ақша ғана шешетін заманда ешқандай контоль жасай алмайсыңдар Бәрі бетімен кетеді. Халық арасында шиеленісті жағдай туады, жаға жыртысады. Сондықтан қазірден көт қысқан дұрыс. Тыныш жатқан жерге тисіпеңдер! Жалға да, сатуға да берілмесін!

    • #12
    • Ауғаннан келген
    • дн, 20/06/2016 - 12:11

    Жалпы менің өз ойым: бүйтің, сүйтің деп тапсырма беріп отырған бір адам бар, білемін. Ол адам өз ойын қалай да жүзеге асырмақ. Қазір көпшілік, жалпы халық, жерді сатуға, жалға беруге қарсы. Көпшіліктің наразылығына бірақ ол адам көңіл бөлгісі келмейді. Өзі емес, өзге "зиялы қауым" арқылы өз ойын жүзеге асырғысы келіп отыр. Жер комиссиясының отырысының созылып кетуінің себебі осы. Шындығын айту керек.

    • #13
    • Пәкістаннан келген
    • дн, 20/06/2016 - 12:38

    Отырыс... Не отырыс бұл?!! Отыратын заман ба қазір? Атқа мін, қазақ, атқа мін!!!

    • #14
    • бала
    • дн, 20/06/2016 - 12:47

    жер сатыу деген тағырып мүлдем болмау керек билік басындағы және қазақтың бай ағалары ақымақ болмасаңдар халық сендерге жалға алыңдар деп жатырғо неге соншама өз халқың менен неге тартыса бересіңдер бір күні құдайдың қақары ұрып жердің киесі ұрып сол оилап жүрген тұқымың құрып кетпесін құдайдан қорқыңдаршы халықтың ғарғысы жақсы болмайды қайта халықтан алғыс алыңдар жерді сатып аламын немесе сатамын деген сөзді мүлдем оиларыңа алмаңдар құдай үшін ал біз халық жалға алыңдар деп айтып отырмызғо

    • #15
    • Жалайырдың жалғызы
    • дн, 20/06/2016 - 13:59

    Жер сатылсын деп сөйлеген Алматы облысы адамдарының тізімін қайдан оқуға болады? Ауызба ауыз сөйлесейік пәтшағарлармен. Әкім амандық батталов өзі қытайға 77 мың гектар жер беруге қол қойып келген көрінеді. Бұл соның ісі.

    • #16
    • Райымбек ауданы
    • дн, 20/06/2016 - 14:13

    "Шекара маңынан шамамен 100-150 шақырымдай жер мемлекеттің қарауына беріліп, ешкімге сатылмауы һәм жалға берілмеуі тиіс." - дейді?! Кішкене, ойланып сөйлеу керек қой. Шекара маңы халқы сонда жерді не жалға, не жекеменшікке ала алмаса қалай жан бағады? Әлде, барлығы шекара маңынан 150 шықырымға алшақ көшііп кету керек пе? Шекара маңы елсіз қалғанда көрші елдер ақырындап жылжып алмасына сіз кепіл боласыз ба?
    Әлде, шекара маңы халқы қай жерге не істесе де болады, жалға алмай-ақ еркінше қолдана берсін деген сөз бе? Біздің бүкіл Райымбек ауданы шекара маңында отыр, не істеуіміз керек сонда?

    • #17
    • елшіл
    • дн, 20/06/2016 - 15:07

    Мұқтар Тайжан Бекболат Тілеуханның үйінен ет жегенге мәз.Феисбукте Бекболатшыл салафит Талғат Рысқұлбек Мұқады яхудиге,т.б постарында мазақтап әлек.

    • #18
    • пенсионер
    • дн, 20/06/2016 - 15:39

    Ана батталов расында жер сатты ме екен?! Олай болса жалайырдың жалғызы сені қолдаймын, құйыршықтардың тізімін тауып осыған жпзыңдар. Басы батталовқа соларға ашық хат жолдап бір жерін қыс деу керек.

    • #19
    • Қарақазақ
    • дн, 20/06/2016 - 15:43

    Атуға болмайды сақтауға! Комиссия жұмысын бағалап отырып, осы әйгілі сөйлемнің қай жеріне үтір қоярыңызды өзіңіз білесіз! Баталовты да осылай бағалау керек

    • #20
    • Мен Қазақтың баласы!
    • дн, 20/06/2016 - 17:46

    Қазақтың жері Қазаққа ғана тиесілі! Жер сатылмасын, жалғада берілмесін.

    • #21
    • Ерлан, Іле ауданы
    • дн, 20/06/2016 - 18:00

    Жерді сату керек дегендердің тізімін жариялау керек. Жергілікті әкімдік шеңберінде.

    • #22
    • Қара қазақтың ұлы...
    • дн, 20/06/2016 - 18:03

    "Қайранда менің Еділім" дегендей, қайранда қазақ жері, қорқаулардың талауына түскелі тұрсың-ау! Өздерін оқыған, тоқыған, білгіш, шешен, көсем, данышпан, дана санап, тоқпақтай галстук тағып, телевидениенің алдында көздері қызарып, өзеуреп, халыққа жер сату мен жалға берудің тиімділігін түсіндіргіш (нені түсіндіріп отырғанын өзі де әрең түсінеді) ақылгөй, аяқтары аспаннан салбырап түскендей "мінсіз" мүскіндердің, жемсау бүлкілдеген жемқорлардың тырнағынан айырып алар күн туар ма екен? Қасиетті Жерім, киелі жерім, жанталасқан шибөрі топтың азуында қалмауыңды Алладан сұраймыз. Мына оқыған тобыр аяйын деп отырған жоқ!

    • #23
    • Жерсіз қазақ
    • дн, 20/06/2016 - 18:37

    Ұланғайыр өлкенің тағдырын 70 "данышпан" шешеді дегенге сенбеймін! Билік аналитиктері ең тиімді деген ұсыныстарын хаттамалап, бүкіл халықтық ашық талқылауға салуы керек. Қажетті нұсқаның нобайы сол кезде ғана қылаң береді. Жер туралы талай-талай көпірмелі қызыл сөздер айтылды, жер мәселесі саясатқа да телінді... өлең мен дастандар жазылып жатыр... Ақыры - "Күлтөбенің басында күнде жиынға" айналып барады. Комиссия 70 емес, 17 млн. адамнан тұруы керек еді, кемінде ...10 млн. адамнан. Мүмкін, сату да керек шығар, жалға беріп те көруге болар. Кім біледі? Нәтижесін түсіндіріп жатқан пәнда жоқ. "Тартып алады..., кетпей қояды..., тозып кетеді..., жайылымсыз қалған ала сиыр арам қатады..."-дының айналасында алаөкпе болдық, ағайын! Комиссияның төрағасы жаңарды, енді "дежурный" ақылшыларға РАХМЕТ айтып, оның мүшелерін де жаңартып, "келді... көрді.... жеңіске жетті"-лерден таңдау керек. Мырзатай әдебиетін зерттесін, Қуаныш заңдарын қабылдай берсін, Мұхтар өлеңдерін жазсын, торсықпай тортаңдап, борсықбай інін сағалап, жылтыңбай жыра-жыраны жағалап дегендей, жөнімен жүргендері дұрыс шығар. Қысқасы - ел бірлігі мен тыныштығы кез-келген даудан жоғары тұруы керек. Жер иесіз болмайды, ал, Ие деп Жаратқанды да әспеттеген ғой, адамзат....

    • #24
    • Адайшал
    • дн, 20/06/2016 - 19:02

    Осы не сандырақ, қайдағы жерді сатпақсыңдар, бос жатқан жер түгелі сымбылдықта жоқ, әлдеқашан сатылып біткен. Сенбесеңдер шаңдықиян Маңғыстауға келің, кезкелген бір жерді түртіп көрің, бір метр қағазын сүйреп иесі жетіп келеді, басқа шұрайлы өңірлерді ауызға алмайақ қоялық. Бұл комиссия қайта бұрынғы қолды болған жерлерді қайтаруға, анықтауға жұмыстансын, жоғын түгендеп барып не істеу керек екенін шешсін. Өз ойым: Шегара аумағындағы 200км. жерлерді сол өңірдегі тұрғындар иелігіне қалдырған дұрыс, малын бақсын, суы болса егінін салсын, есесіне ел аумайды, қайта қаладан қайыр таппағандар ел іргесін бекітеді. Ал ішкі аумақты сатудыңда жалға берудіңде қажеті жоқ, ел арасына ірткі салмау үшін жердің құнарына, пайдалану мақсатына қарай гектарына бәс шығарса, әркім шамасына, қалтасына қарай алсында жылдық салығын төлеп тұрсын. Жалға алған бір кезектік төлем не болады, көп болса 3-4 көпір салар, експоның 3-4 көшесін әйей қылар, сонымен салаумалейкүм, ендігі жылы нені сатамыз? Жылма жыл алып тұрған салық тиімді ғой, келістіре алмағандардың жерін басқаға берсін, одан үкіметтің қаясы қыйсаймайды, жылына сытырлатып ақшасын алып отырады, сонымен елде аман, жерде аман. Жалпы осы саталық деген бәлені бұрыннан көп жер алып қойғандар қозғаған болуы керек, қарамайдың дәуірі өткен сыңайлы, бұрынғыдай есепсіз қарпыйтын байлықтыңда түбі көрінді, енді қалғаны осы жер, соны заңдастырып тұқымына мәңгілік мұра етпек ойлары болса керек. Сатып, жалға бергенненде жер салығын енгізген тиімді сияқты.

    • #25
    • #16-га Райымбек ауданынын алаш бауырыма
    • дн, 20/06/2016 - 19:23

    жер мемлекеттiкi болгандыктан онын азаматтары жердi жалга ала алады Ал бул жерде шекара манындагы жерлер сатылмасын шетелдiкке жалга берiлмесiн деген пiкip айтылуда Сондыктан райымбек ауданынын азаматтары жердi емiн-еркiн жалга алуларына болады тек сатып алмаулары тиic Егерде батталов кытайлыктарга ауыл шаруашылык максатындагы жерлердi жалга алуга келiciм-шартка кол койган болса онда ол казах мемлекетiне опасыздык жасады деген кудiкпен кызметiнен кетipiлсiн жане кылмыстык жауапка тартылсын Алла алаш халкына озiн жар бола кор Озiн бiздiн Елбасымыз бола кор!

    • #26
    • Семейден Тобықты
    • дн, 20/06/2016 - 19:39

    Қазақтың жері ешуақытта да саудаға түспеу керек! Халық шетел түгілі қазаққа да жер сатуға түбегейлі қарсы, ал оны комиссия құрып халықты алдау, сиырқұйымшақ жасау барып тұрған Отанға деген сатқындық. Мұнаймен байыта алмаған, алтын сатып тек өздері байыған билік енді сол қылмыстарын жабу үшін енді жерді саудаға салып отыр. Бұлары халықтың мұнай мен қазба байлықтардан тиесілі талабын басқа арнаға бұру ғана, одан да кім жерді халықпен ақылдаспай сатып жіберді солар қатал жауапқа тартылсын! Ал комиссия жер туралы мүлдем доғарсын бос әңгімені, бәрі де үкіметтен қызмет алу үшін жанталасып жатыр, шын жаны ашыған бірі де жоқ! Жер сатылмайды! Қазақтарға да!

    • #27
    • айдар
    • дн, 20/06/2016 - 19:44

    қайдағы мемлекттікі қазақтың жері қәзір байлардың жері болып тұр халықтың жері емес олар қәзір білгендерін жасап отыр әр өңірге бір-бір өзінің айтқаны менен айдағанына көнетін генералдар қоиып ана мәпіс офисер салдатарыды өзінің ата-басының жерін сатырмаймыз деп жүрген халыққа айдап қоиып жуындысынан кішкене бергенге бәрі мәс болып халықын сүиреп тығып жүр немесе олай емеспе не сыртан келген орыс пенен қытайдың адамдары маска киіп ұрып төпеп сабалап жүрме неге соншалықты әскереилер жер сатылмайды халықтың айтқаны болды деп айтпайды

    • #28
    • Семейден Тобықты
    • дн, 20/06/2016 - 19:47

    Ал мына жерді жалға алып алған "бұл енді менің жерім" деп ол жердің суынан да ішуге рұқсат етпейтін таяз ойлы адамдар "жеті жарғыны" оқысын. Тіпті сол заманда- ақ бабаларымыз бұл мәселені айғай- шусыз- ақ шешкен, бұлақ, арықтар көлдер, өзендер көпшілікке ортақ деп саналған. Мына қалыппен ертең олар жат елден жерін өздері қорғай ма?.. Расында да неге менің балам олардың жерін қорғауы тиіс?...

    • #29
    • Фазылбек Түркістаннан
    • дн, 20/06/2016 - 20:44

    "Дәурен Бабамұрат, саясаттанушы: Қолы жеткендер оның әр сотығын ауылшаруашылығы мақсатына 4 мың теңгеден (одан едәуір қымбат болуы мүмкін) сатып алып, құжатын дайындап бес жүз мыңнан миллион теңге аралығында сатып жатыр. Талғар ауданынан бір адам хабарласып, өзінің жайлауына баратын жолды әлдекімдердің сатып алғанын айтып, шағымданды. Халық өз жайлауына бара алмайтын жағдайға жеткен."
    Осы мысалдар-ақ жерді сатса аяғы не болатыны көрсетпей ме?

    • #30
    • Қазақ
    • дн, 20/06/2016 - 21:27

    Талғар, Еңбекші қасақстан ауылының әкімі кім екен? Кажимканның көмекшісі біздің қойған адам дейді екен! Әрине тапсырма алса тікелей жоғарыдан аладыда

    • #31
    • Алыс ауыл АДАМЫ
    • дн, 20/06/2016 - 21:38

    1.Жер туралы бас қосу әр облыста қай уақытта қашан,қай жерде өтетіні жөнінде неге баспа сөз бетінде ақпар берілмейді ?
    2.Қазақтың 70+80 пайызы аулды жерде тұрады.Ал жиналыс қалада өтеді.Бұны қалай түсінуге болады ?
    3. Қазақтың ұланғайыр жеріне қауып төніп тұрғанда 10 сотық дегенді қайдан кіргізіп елдің бетін аударып отырсыңдар. Қазақтың жері аман қалса ол келешек шешілмейме. Қазіргі сәттегі мәселе сырт елдің талан таражысына түсіп кеткен жерлер мен талан таражыға түскелі тұрған жер туралы емеспе ?
    4. Қазақтың жерін қазақстан азаматтарына жалға береміз жеген сөз айтасыздар сонда олар тек қазақтарма ? Ал Қазақ жері үшін шырылдап отырған тек қазақтар екенін біліп отырсыздар,басқаларғада сен осы елдің азаматысыңдар деп былқ етпегендергеде бал қаймақ жегізбексіңдерме? !лде Мәшкейлерден ығып отырсыңдарма ?
    5.Қазақ жерінен үлкен-үлкен үлес алып отырған,өзі жұмыс жасамаса да арендаға беріп налог төлемей-ақ сайрандап отырғандардың тізімін халыққа баспа артқылы жарияалауды неге кешіктіріп отырсыңдар ?
    6.Нақты сатқыларың келіп отырған *азған* жерлеріңнің нақты картасын неге жарияаламайсыңдар ?
    7.Қазақ жері нақтылы қалып халықтың өзіне сол жерді ел игілігіне пайдалану керек болса оны қала өркендету керек екен мәселесін қоса неге өз ұсыныстарыңыз бен талдамайсыздар ?
    8. 25 жыл ішінде ауыл шаруашылыған көтеруге жалпы қанша қаражат бөлінді оны ауыл шаруашылығының қандай салаларына салдыңыздар? Ол қаржыларды кімдер алды? Одан қандай пайда келді немесе алынды ? Осы жөнінде ашқ бұлталақсыз бұрмасыз ақпарат неге баспада жарияаламайсыздар ......
    Міне осы сұрақтарданда басқа да ауыл қазақтарының нақты білгісі келетін көптеген сұрақтары бар....
    Ал бұндай ашқ ақпаратсыз өтіп жатқан жиындар құнсыз алдағы бір күрт шешім шыққанша алдаусырату....

    • #32
    • Алыс ауыл АДАМЫ
    • дн, 20/06/2016 - 21:51

    1.Жер туралы бас қосу қай облыста, қай уақытта, қашан,қай жерде өтетіні жөнінде неге баспа сөз бетінде ақпар берілмейді ?
    2.Қазақтың 70+80 пайызы аулды жерде тұрады.Ал жиналыс қалада өтеді.Бұны қалай түсінуге болады ?
    3. Қазақтың ұланғайыр жеріне қауып төніп тұрғанда 10 сотық дегенді қайдан кіргізіп елдің бетін аударып отырсыңдар. Қазақтың жері аман қалса ол келешек шешілмейме. Қазіргі сәттегі мәселе сырт елдің талан таражысына түсіп кеткен жерлер мен талан таражыға түскелі тұрған жер туралы емес пе ?
    4. Қазақтың жерін қазақстан азаматтарына жалға береміз деген сөз айтасыздар сонда олар тек қазақтарма ? Ал Қазақ жері үшін шырылдап отырған тек қазақтар екенін біліп отырсыздар,басқаларғада *сендер де осы елдің азаматысыңдар деп былқ етпегендерге де бал қаймақ жегізбексіңдер ме? Әлде, Мәшкейлерден ығып отырсыңдарма ?
    5.Қазақ жерінен үлкен-үлкен үлес алып отырған,өзі жұмыс жасамаса да арендаға беріп налог төлемей-ақ сайрандап отырғандардың тізімін халыққа баспа артқылы жарияалауды неге кешіктіріп отырсыңдар ?
    6.Нақты сатқыларың келіп отырған *азған* жерлеріңнің нақты картасын неге жарияаламайсыңдар ?
    7.Қазақ жері нақтылы қалып халықтың өзіне сол жерді ел игілігіне пайдалану керек болса оны қалай өркендету керек деген мәселесін қоса неге өз ұсыныстарыңыз бен талдамайсыздар ?
    8. 25 жыл ішінде ауыл шаруашылыған көтеруге жалпы қанша қаражат бөлінді оны ауыл шаруашылығының қандай салаларына салдыңыздар? Ол қаржыларды кімдер алды? Одан қандай пайда келді немесе алынды ? Осы жөнінде ашқ бұлталақсыз бұрмасыз ақпарат неге баспада жарияаламайсыздар ...
    Міне осы сұрақтарданда басқа да ауыл қазақтарының нақты білгісі келетін көптеген сұрақтары бар....
    Ал бұндай ашқ ақпаратсыз өтіп жатқан жиындар құнсыз алдағы бір күрт шешім шыққанша алдаусырату болып саналады....

    • #33
    • Ел
    • дн, 20/06/2016 - 23:09

    Барiн айт та бiрiн айт
    Ендi кулдын жайын айт деушi едi бурынгы улкен кiciлер,!кытай каптап келiптI,!Казак унi жазды,сатылмады деп колгiрсу кiмге керек? Ал жер саткыш шендiЛер армандарын орындалды карсы алындар колдарына жалау алып

    • #34
    • Ауылбай
    • дн, 20/06/2016 - 23:46

    Жерды арендага берып жагдайымызды дурыстамаи ак койындар керегы жок жагдаиымыз жаксы жер сатып алмаиак ауылдын осы жагдайымыздан айырылып калармыз рахмет керегы жок 75 комиссиия созын енды бир айдан кейын ешкым тындамаи калатын сиякты мен ауылдан келдым жайылым жаксы кай жерге мал жаям десенде

    • #35
    • Абылай хан
    • сс, 21/06/2016 - 0:25

    Қазақтың жері ешкімге де жекеменшікке сатылмайды .Жер тек мемлекет меншігінде болу керек. !!!!!!!!!!!

    • #36
    • атеист
    • сс, 21/06/2016 - 0:31

    Ресейден атеист туғандарым келіп он мыңдаған мектеп, жүз мыңдаған км темір жол, космосқа ұшатын Байқоңыр космодромын, Семей атам полигонын, ғылым академиясын беріп еді есекпен жүрген қазаққа. Миллиондаған тың жерді игеріп қазақты нанға бір тойғызды. Енді қытайдан да атеист туғандарым келіп жерімді түлетін, елімді көгертеді десейші. Жайсаң болған екен! Мини юбкамен көті көрініп жүретін сорқылдақ қыздарыма да еңбекқор байлар табылатын болды! Қой, елбасыма рахметімді жаудырып, атеист қытай туғандарымның алдынан нан тұзымды алып шығайын.

    • #37
    • Білгім келеді
    • сс, 21/06/2016 - 1:10

    Менің білгім келгені жерді сатпау сату деген сөз көбейді осы кезде.Комисия да сол себепті құрылды.Енді комисия мүшесі ақын Жүрсін Ерман ағамыздың жиналыста айтқан сөзіне қарасам ол кісіде Шымкент жақтағы Отырар ауданы жақта 800 дейма 1000 қытай азаматы жүр деді.Сұраса дұнған быз дейтін көрінеді.Сол сияқты өзім білетін Оңтүстік қазақстан обылысының сарыағаш ауданының ең шеткі ауылдарының бірі Əлімтау елді мекенінің сырдария өзенінің жағасы шөбі шүйгін мал жанның жайы болып табылатын жерлерді қытай басып кеткен деген əнгімені бұдан 10 шақты жыл бұрын еститін едім.Ол жерлерде кезінде мал бағып балалық шағымыз өткен.Ауылды сұрастырсам ол жерлерді қытай қаптап кеткен деген сөз естуші едім.Іштей қызғаныш болғанымен ол кеде мəн бермеуші едік.Енді келіп осындай жер туралы мəселе шыққанда жаңағы Жүрсін ағам айтқан қытайлар өз ауылымдағы қытайларда есіме түсіп шынымен де ол не қылған,не бітіріп жүрген қытайлар деген ой келді.Менің айтып отырғаным өзім білетін ғана.Басқа обылыстарда да қытай жетеді деп есітіп жатырмын.Осы шыныменде қытайға жерлер сатылмасын емес баяғыда ақ сатылып жалға беріліп қойған емес па?Білетіндер бар ма?

    • #38
    • Түңілген
    • сс, 21/06/2016 - 1:57

    Тек сату, тек көзге көрінген нәрсенің бәрін сата беру-бұл мәңгілік коммерсант-"елбасымыздың" асыл арманы, хоббиы, әдеті, ауруы.

    Жер туралы даудың басталған қашан?
    Бұл жер дауын бұл коммерсант қашан бітіреді?
    "Қақылдаған тауық тумай қоймайды"-демекші, Қазақстанды түп-тамырымен, түгел сатып бітірмей, бұл құдай атқан коммерсант қара жерге кірмейтін шығар!

    Бұның негізгі мақсаты-жерді шетелдіктерге сатып, жерді тауарға айналдырып, жердің құнын өсіріп, өздерінің, ағайн-туғандарының 100 мыңдаған гектар жерін пұлдамақшы.

    Сонымен қатар, жекешендіру кезінде ауылдағы халыққа берілген жер пайларын, қайбір жылдары ауылшаруашылығымен айналысқан ірі фирмалар халыққа қол қойдырып алып, келістіріп, биліктегілердің және оған жақын туған-туыстарының банктеріне кепілдікке қойып, кредит алған болатын.
    Бірақ, сол ауылшаруашылығымен айналысқан фирмалар, рас-өтірігі аралас, банкротқа ұшырап, халықтың пайға алған жерлері банктің құзырына өтіп кеткен болатын.
    Ауылшаруашылық жерлердің құны төмен болғандықтан, оны ешкім сатып алмағандықтан, биліктегілердің және оған жақын туған-туыстарының банктері жерді сата алмай отыр.
    Енді жерді талан-таражға салып, тауарға айналдырып, құнын өсіріп, банктер пайдаға кенелмекші.
    Сүйтіп, тақыр жерде отырған халықтың тақыр жерін де тартып алып, отыруға жер де таппай таза құлдық формация орнатпақшы.
    Өйткені, қазақ құлдық, феодалдық және капитализмдық формациядан өтпей, алғашқы қауымдасқан ру-тайпалық формациядан бірден социализмге өтіп кеткен екен.
    Сол секіріп кеткен формацияны отработка жасауымыз керек екен. Сондықтан, қазағым, бәріне-көппен көрген ұлы тойға дайындала беріңдер!

    • #39
    • Ақберен, жебе-оқ. Қазақ елі.
    • сс, 21/06/2016 - 2:04

    Б О З Д А Л А (Толғау)


    Боз жусан өскен боз дала,
    Ботасынан айырылған,
    Боз інгендей боздама.
    Жетісіп жүрген жайым жоқ,
    Іштегі шерді қозғама!
    Сеземін жаның жаралы,
    Жосадай қаның ағады.
    Моншақтап жасым төгілер,
    Көзіңді көріп қаралы.
    Күресуге дәрмен жоқ,
    Күш-қайрат кетіп барады.
    Байлық пен мансап шырмаған,
    Бүгінгі біздің сананы.
    Жаралап жатыр жаныңды,
    Қинайды жаншып тәніңді.
    Тойымсыз топас мәңгүрттер,
    Кетірді-ау, далам, сәніңді!
    Ашыққан мен құныққан,
    Келтірмей тұр мәніңді.
    Айналдық қазір күмәнсіз,
    Аппатты аймақ, кәдімгі.
    Құйылды гептиль төбеден,
    Біреу жоқ бұған "мө"-деген.
    Адамға мұнан залал жоқ,
    Деп айтат, Талғат көреген.
    Қырылып жатыр киіктер,
    Не дейді бұған, күйіктер?
    Себебін ашып айтпайды,
    Жан бағып, жанын күйіттер.
    Шындықты айтпай жасырса,
    Мансаптары биіктер.
    Байлық пен мансап жолында,
    Миллиондап өлсін киіктер.
    Боз дала жатыр көсіліп,
    Баурайы шұрық-шұрық тесілген.
    Мұнай мен газдың буына,
    Есерлер жүр есіріп.
    Құныққандар байлыққа,
    Алғандай саған өшігіп.
    Бұларға болар бір зауал,
    Келсе де, сәл-пәл кешігіп.
    Қойнауың тола уранға,
    Қымбат қой мұнай, газдан да.
    Ел байлығы есепсіз,
    Кетіп жатыр арзанға.
    Жер асты суын ылайлап,
    Жатыр ғой қазып алғанда.
    Тағдырын елдің ойлайтын,
    Бара екен басшы жалғанда?
    Боз далам, бірге боздауды,
    Тағдырым бізге жазған ба!?

    Ақберен, жебе-оқ.
    Қазақ елі.


    "Жер-Ананы сатпаймыз
    Ана тілді сақтаймыз"

    "Алаш жолы"қозғалысы.


    БОЛАШАҚҚА ҚАЗАҚ БОЛЫП АТТАЙМЫЗ.


    Оян Қазақ, көтер басты,
    Арыл құлдық санадан!
    Домалатсақ өрге тасты,
    Ынтымақпен, туғандай бір Анадан.
    Жараспайды енді бізге,
    Бөлектену, ауылдан, сен қаладан,
    Қауіп төнді Қазағыма,
    Қарсы тұрып, қорғанайық бар адам!

    Жер-Ананы сатқызғаның,
    Айырылғаның панадан!
    Адам-Ата, Хауа анамыз,
    Жер-Анадан жаралған.
    Жерді басып, өмір сүрген пенделер,
    Екеуінің бауырынан тараған.
    Сондықтан да, нағыз-Адам,
    Жер-Ананың қасиетті санаған.
    Тек, тексіздер, негізі жоқ,
    Жер-ананы саудалауды қалаған.

    Сол тексіздің жолын кесіп,
    Жерді қорғау міндетің!
    Айырылсаң Жер мен тілден,
    Боласың, анық тұл жетім.
    Тексіздермен күреспесең, тіресіп,
    Жерді басып, қазақ болып жүрмессің!

    Есіңді жый, көтер басты, еңсеңді!
    Жасамаймыз біз мәңгілік,
    Жарық дүние өлшеулі.
    Жер-Ананы, Ана тілді қорғайық!
    Осы жерде барлық Қазақ,
    Болу керек белсенді.

    Ширек ғасыр болды, міне,
    Егеменді елдігім,
    Тізгініңді Қайран Қазақ,
    Қалауынша керді кім?
    Ана тілің өгей болып, еліңде,
    Жас ұрпағың жаттап жатыр,
    Ағылшын, орыс сөздігін.

    Үш тұғырлы тілді болу,
    Жоқ болудың қадамы.
    Сөз өнері, тіл мәнері,
    Шұбарланып барады.
    Ел тізгінін ұстағандар,
    Адал болса-Қазаққа,
    Ана тілді үстем етіп,
    Қазақша етсін, барлық саланы!

    Жарамсақтық, жағымпаздық,
    Сіңіп алған санаға.
    Мен Қазақтың зиялысымын,
    Деп жүрген кейбір "ағалар",
    Сөзін сөйлеп, ол билікті мақтайды.
    Күні жетіп, келер бір күн тәубаға.

    Жер мен тілден басқа менің жоқ қайғым,
    Тірлігімде тек екеуін жақтаймын.
    Ата дәстүр, салтымызды ұстайтын,
    Жас ұрпақты құрметтеймін, қоштаймын.
    Жас ұрпақтың болашағы жарқын шуақ болсыншы,
    Осы жода мен ешкімнен Қорқып, халқым, ықпаймын!

    Ақ найзаның, ақ білектің күшімен,
    Бабаларым сыйға тартқан,
    Жер-Ананы сатпаймыз.
    Елдігімізді, ерлігімізді дәріптер,
    Ана тілді құрметтейміз, сатпаймыз.
    Жерімізді, тілімізді, ділімізді,
    Жоғалтпаған, жеткізген,
    Аруақты, Ата-Баба,
    Сенімдерін ақтаймыз.
    Барлық Қазақ жұдырық боп, жұмылып,
    Болашаққа Қазақ болып аттаймыз.


    Ақберен, жебе-оқ.
    Қазақ елі.

    • #40
    • Аракка карсы казак
    • сс, 21/06/2016 - 3:34

    Тек Жер жер дей бермей маселен орыстын арагын дастарханнан кашан мулдем аластатамыз тек Рамазанда гана показуха ушин Кудайды алдагысы келеды Ер болсан сол шайтаннан кутылып ал! Сонда баска маселе автоматически шешыледы иншалла

    • #41
    • Ғалымтай
    • сс, 21/06/2016 - 9:32

    Көкшетаудың ақсақалдары,зиялы қауымы жердің түп иесі қазақхалқы екенін жақсы біледі. Мұнан әрі де өз жерімізді,елімізді қорғаудан ол үшін күресуден танбаймыз. Көп сөздің керегі жоқ тұжырымға келген мәселелерді заң түрінде қабылдау керек. Халықты ақымақ қылуды әкімшілік те ірі жер иеленгендер қойсын. ЖЕТЕДІ.

    • #42
    • дала қазағы
    • сс, 21/06/2016 - 9:51

    1. Осы сайттағы пікірлердің мәні бар түйіндерін, дәнді жерлерін жинақтап, құзырлы мекеменің назарына салу тетігі бар ма, әлде құр "аттан!" ба? Егер құр "айтақ" болса, онда мекиен далаға шығып құр айғалағанмен бірдей.
    2. Анау жиналып отырғандардың ақылы осы пікір жазушылардан кем деп ойлау асылық болар. Ал егер оларға ой саламыз десек онда 1 пунктті басшылыққа алшып, олардың назарына ресми түрде іліктіру қажет.
    3. Атам қазақ үшін екі мәселе - жер дауы, жесір дауы қашаннан ең түбегейлі мәселе болып келген, тағдыры қилы қазақ үшін ол солай болып қала бермек. Бұл арада "анау елде мындай, мынау елде сондай" деген еліктеулердің тіптен де орны жоқ. Әр елдің, әр халықтың ешқашанда басқаға үйлеспейтін өзіндік жолы, тағдыры бар. Ендеше жер сатылмауы да , жалға да берілмеуі қажет. Жер, өзен-көл, жер асты байлығына тек халықтық ортақ меншік болуы қажет. Бұл мәселе референдум арқылы да қозғауға да жатпайды деп қаралуы жөн.
    4. Тіпті азаматтығы ғана бар тұлға түгілі, өзіңнің қара қазағыңның өзі жерді сатып алғасын, өзінің бауырларын қан қақсатпасына кім кепіл. Мен білетін бір мысал - бүкіл ауыл халқы шөбін шауып, малын бағып отырған шабындық жерлерді 49 жылға жалға алып алған байшікеш бүкіл ауылды кенедей сорып отыр.
    5. Біздің өңірде сатуға, яки жалға беруге болатын 5 млн. га жуық жер бар деген есептеме жасалған. Ал ол жердің бәрі құрғақшылық, қуаңшылық жайлаған, жері құнарсыз, қу мекиен дала жерлер. Енді сол жерлерді шетелге жалға беріп инвестицияға "қарық" боламыз дейді. Ондай жерлерге қандай шетелдік ақымақ ақша шашады?

    • #43
    • Аш қазақ
    • сс, 21/06/2016 - 9:51

    Жер мәселесіне қатысты халықтық референдум жүргізілсін! Жүргізілгенде әділ санақ боласын! Сонда мәселе шешіледі. Комиссияның көк тиынға керегі жоқ. Қазақ жері ешкімге сатылмасын, жалға да берілмесін! Референдум!......... Аш қазақ тоқ қазақпен ойнағысы келмейді.....

    • #44
    • пенсионер
    • сс, 21/06/2016 - 11:18

    17ге сен текке оттама. Мұқтар ол ет жемей жүрген адам емес. Барса Тлеуханнға есін жиғызуға барған шығар. Ал комиссия біздің үмітімізді ақтамаса Референдумді талап ету керек.

    • #45
    • Жаны ауырған бір қазақ
    • сс, 21/06/2016 - 11:33

    Ұлықтардың назарына:
    1.Солтүстік өңірлерде,, Шығыстың көп жерінде аққұлақтар отыр. Жерді жалға берсең, ертең солар қазақтың талай жерін шаппай-ақ басып қалады. Алматы жақта, Талдықорған жақта қаптаған ұйғыр мен коеейле. Ақшасы бар іскер жұрт бұл жақтан талай жерді жалға алып басып қалады. байшікештер мен ірі жер иеленушілер талай миллиондаған гектар жерді бауырына басып олар жатыр. Сонда Қазақстан жерінің тең жартысын үлестіріп жіберген болып шықпай ма? Айтайын дегенім Жерді жалға беруді де тоқтату керек. Тәуелсіздігіміз тұғырлы болсын десек.
    2. Қазақтың жері мың-мыңдаған жыл табиғаттың өз құнарымен жатқан жер. малға қолайлы. Енді осыны тозып кетті деген сылтаумен сатып, жалға беріп пайда табамыз дейсіңдер? Сандырақ! Ешкім жерге қарамайды, оны бақылайтын меморгандар жоқ, жемқорларға тиын-сиынын ұсынса көтін қысады. Қазақтың жерін келімсектер әбден тоздырып, тулақтай етеді. Миларың су болып кетпесе, осыны түсініңдер!
    3. Комиссия мүшелерінің алдына әкімдер даярлап қойған жері бар, жандайшап адамдар жиналып, сату керек, дұрыс деп қолдау білдіріп жатады. Сценарий бойынша халықты алдаудың жақсы әдісі. Осыны қойыңдар! Өтіріктің құйрығы бір-ақ тұтам!
    4. Атқамінер шенеуніктер, айтыңдаршы, сонша жан алысып, жан берісіп, қазақтың жерін саудаға салу не үшін керек? Кім үшін бұл тыраштанғандарың?
    5. 43-шінің айтқанындай, референдум керек. Комиссиядан түңілгенбіз. Халық шешуі кере мәселені. Ауыл жаққа барып, мал жая алмай, суатқа малын жібере алмай отырған қара халықтың көз жасын көріңдер. Әкімдер жинап бергендердің сөзі нұсқау арқылы жасалған бос сөз! Сондықтан халықтық референдумды талап етеміз!

    • #46
    • проф. Совет-Хан Ғаббасұлы
    • сс, 21/06/2016 - 11:41

    Құрметті Президентіміз
    Нұрсұлтан Әбішұлы Назарбаев мырзаға
    сәлем хат.
    Армысыз халқымыздың қадірлі азаматы НҰРЕКЕ ?!
    Ең әуелі замандас ретінде, жаратушы бір АЛЛА дан - деніңізге саулық тілей отырып, БІЗДЕРДЕ - "Өмірдің көбі кетіп - азы қалғанын"- ескерумен қоса, - "мың өліп... мың тірілседе" - салмақты да сабырлы... аңқау жұртымыздың КЕЛЕШЕГІ мен ТӘУЕЛСІЗДІГІНЕ жауап берер АМАНАТЫҢЫЗДЫҢ аса ауыр екені аян!..
    Зымыраған уақыта да тоқтау жоқ. Міне, ширек ғасыр... яки 25-жыл да, өте шығыпты. Осы жылдар берген... жетістік те, кемшілік те жетерлік. Кемшіліктің ең ауыры - ЕЛ БАСҚАРҒАНДАРДЫҢ - халық қазынасын МИЛЛИАРДТАП жымқырғандары ұят-ақ ?! Сіз оны - ОТАНҒА ҚАЙТАР - десеңіз де, орындалып жатқан ештеме жоқ. Соншама мол қаражаттар... апарып "ТЫҚҚАН" елдің пайдасына жұмсалуда...
    Қадірлі НҰРЕКЕ...Сіз ТАЛАП еткен мәселелердің, ОРЫНДАЛУЫ үнемі қадағаланбайтын тәрізді. Ең әуелі, осы МӘСЕЛЕНІҢ - темірдей ТӘРТІППЕН - шешілуін өтінемін ?!?..
    Қай заманда да... мынау ҰЛЫ ДАЛАМЫЗҒА - қызықпаған ЕЛ болмаған ?!.. Міне, қазіргі уақытта да солай... оны Өзіңіз де жақсы білесіз ғой. Осы жақында ғана болған... бір жағдайды, мысал ретінде айтқанды жөн көрдім. Үстіміздегі 2016 жылдың МАМЫР айында... ЕКІ азамат, Қытайдағы туысқандарына барып келіп, ондағы көрген жетістіктерін жеткізуге сөз табалмай отырды.
    Біріншісінің айтқаны ;
    - Халықтың хал-тұрмысы өте жақсарыпты. Қытай үкіметі - Ауылдағы үйі жоқтарға - үй салып берумен қоса, Қаладағыларға - көп қабатты үйлерден - ПӘТЕРДІ тегін беріп жатыр екен, - деп, риза көңілін білдірді.
    Екіншісінің айтқаны ;
    - Қытайдың соңғы жылдардағы... ҒАРЫШТАП дамуы, тым ерекше көрінеді. Біз - бір ҚАЛАНЫ - жирма бес жылда тұрғызсақ, Олар - жыл сайын - бір ҚАЛА салады, - деп, қатты таңырқаумен болды.
    Мен де таңданып ;
    - Тегін ПӘТЕРДІ барлық тұрғындарға да бере ме, әлде Қазақтарға ма ?- деп сұрадым.
    Олар екеуі де күліп;
    - Біз басқашасын білмедік - тек қазақтардың ғана ортасында болып қайттық қой, - деді.
    Мен де күліп ;
    - Мүмкін, бұл - Қытайдың жаңа саясаты шығар, - дедім.
    Екеулері де ;
    - Қалай ша ?..- деп ду ете қалды.
    Мен сөзімді жалғап ;
    - Қалай ша ? - екенін... Мен де білмеймін ?! Бірақ, Қытайлар - Қазақстанның ауылшаруашылығын көтеруге ерекше құлшынып отыр ғой. Қазақ жеріне жету - Олардың армандары сияқты. Сондықтан да, пендешілігі мол... дүниеқұмар Қазақтарды мүлікпен айналдырып, қазақ жеріне Қытайлықтардың көбірек келу... мүмкіншіліктерін тудыратын, айлалы тәсілдері емес пе ? - деп, оларға сұрақ қойып, сынай қарадым.
    Екеуі де қатты ойланып ;
    - Мынау айтқаныңыз, тіпті ойға келмеген мәселе екен. Жалпы Қытай мемлекетінің саясаты... әрқашанда аса терең де, жұмбақ сырлары көп болады. Қазақстанда бүгінгі күндері - Жерді сату мен Жалға беру мәселесі талқыланып жатыр ғой. Қазақ тәрізді аз Халыққа - сірә Жерді - өз Азаматтарына да, сатуға болмайтын тәрізді. Себебі, 2003-ші жылдан бері... Жерді меншіктенген адамдардың арасында, Жерін кім-көрінгенге... тіпті ШЕТЕЛДІКТЕРГЕ де, сатып жібергісі келетіндердің болғанын естігеміз. Жалпы, Жерді сатып... яки, жалға алғандар ерекше күтім жасайды деу де, жай ғана дәлелденбеген бекер сөз болса керек. Тіпті, өркені өскен ЕВРОПАЛЫҚТАР да... Өндіріс пен Ауылшаруашылықтарын жекешелендіруге, СЫНДАРЛЫ көзқараста екендіктері жиі айтылып жүр ғой. Сондықтан аға, Сіз көптен көтеріп жүрген - "ЖЕРДІ НАЦИАНАЛИЗАЦИЯЛАУ" - өте дұрыс шығар ?! - деп, Олар да әңгімелерін аяқтады.
    Қадірлі НҰРЕКЕ, мынау астан-кестең құбылмалы заман мен рухсыз қоғамда, халықтың келешегіне - ПАРАПСИХОЛОГИЯЛЫҚ - әсерлері мол, -"қазақстандық ұлт" - " үш тұғырлы тіл" - " жерді сату мен жалға беру" - тәрізді екі ұшты мәселелерді... түбегейлі, жан-жақты зерттеп барып қана көтеру керек сияқты. Сан ғасырлар бойы - "ботандықтың боқтығынан" - көз ашпай келген Қазақ халқына - "Ұлттық тәрбие" мен " Ұлттық идеология" - ауадай қажет. Себебі, жұртымыздың білімді қауымының өзі - "ДӘСТҮР-САЛТТЫҢ - мәнін" - "АНА ТІЛДІҢ - адамға берер он түрлі қасиетін"- "МЕНТАЛИТЕТ- яки БОЛЫМЫС- деген не ?"- "АНА ҚҰРСАҒЫНДАҒЫ -тәрбие не береді ?"- "ТӘН ҚҰМАРЛЫҒЫНАН - қалай кетіп ; ЖАН ҚҰМАРЛЫҒЫНА - қалай жететінді де..." - бүгінгі ұрпақ түгіл... үлкен адамдар да білмейді...
    Осы айтылғандардың барлығының да... шешу жолдары бар !.. Тек, мемлекет деңгейінде - Үкімет пен Халық үндесе отырып - ғылыми негізде қарастырса болады. Жалпы көп созбай - шешуді ойластырған жөн !!..

    СӘЛЕМЕН : Жазушы дәрігер, Медицина және Педагогика
    ғылымдарының докторы, профессор,
    КСРО денсаулық сақтау ісінің үздігі,
    Қазақстанның Еңбек сіңірген қайраткері,
    Халықаралық Нострадамус атындағы
    академияның толық мүшесі – академик
    Совет Хан ҒАББАСОВ. 22. 05. 2016ж.

    • #47
    • шал-тай
    • сс, 21/06/2016 - 12:40

    Сценарий демекши, естеринизде болса, маркум, тамашанын тарланы Кудайберген агамыз бир жылдары аяк асты депутат бола калганы есте шыгар. Ол киси арлы азамат ретинде мандатын откизип орнынан кеткенде бир журналистин койган сурактарына жауап берип отырып кезекти сурагына"-Мен халык артиси екенмин деп журсем, парламенттегилер менен откен артис екен"-деп жауап бергени бар емес пе. Менин ойымша осы камиссиядагы популистердин тындырары шамалы ма деп каламын.

    • #48
    • АҚСАҚАЛ
    • сс, 21/06/2016 - 13:26

    шіркін, КЕҢЕС ОДАҒЫ кезі, менің елім, менің жерім, туған жерім,
    атамекен, тауым, көлім ,өзенім дейтін өлең, жырлар ХОШ БОЛ
    қайтып келмес ДӘУРЕН, сол кезден қалған МЕНІҢ ҚАЗАҚСТАНЫМДЫ
    шырқап жүре беріңдер, сол кезді сынап, жамандаушы ұлтшылдар,
    журналист, жазушылар

    • #49
    • Түңілген
    • сс, 21/06/2016 - 15:15

    N 45 Жаны ауырған қазақтың пікірі өте ойға қонымды.Осы ойды тақырып қылып комисия алдына қою керек.

    • #50
    • батысбек
    • сс, 21/06/2016 - 17:48

    референдум таза адил отетине козим жетпеиди .90 процент жер сатылсан деген результат шыкса не истеимиз.бизде референдум или саилау болса 90процент за боладыда турады.

    • #51
    • Түңілген
    • сс, 21/06/2016 - 19:09

    Эй, дым көрмеген ақымақтар!

    Референдум деген-соғыссыз, қарсылықсыз берілу дегенмен бірдей.

    Егер, президент сайлауындағыдай, парламент сайлауындағы секілді, халықтың 99 пайызы жерді сатуға дауыс берді десе, сендер әрі қарай қандай шара жасай аласыңдар?

    Референдуннан кейін сендер біздің бәрімізді тұйыққа тірейсіңдер ғой!

    Сосын, #49 "Түңілген-сымақ", сен біреудің псевдониміне жабыспай, өзіңе басқашалау псевдоним тауып алғаның дұрыс!

    Сонымен бірге, көрінгеннің пікірінен үміттеніп, қосыла бермей, өзіңнің көзқарасыңды толық жазып үйрен!

    Шынымен түңілсең, неден, кімнен түңілдің соны ашып жаз.

    Мысалы, мен Назарбаевпен, оның басқарған билігінен бір грамм үмітім жоқ болғандықтан түңілгенмін.

    Және одан үміт күтетіндердің бәрін, жұмсартыңқырап айтқанда, ақмақтау санаймын.

    • #52
    • Түңілген
    • сс, 21/06/2016 - 19:29


    Құрметті, #46 проф. Совет-Хан Ғаббасұлы сс, 21/06/2016 - 8:41 мырза!

    Қазақтың профессор деген атағының абыройын түсірмей, Кеңес Одағының әскер қатарында қызмет етіп жүрген солдаттарға ұқсап, бір мақаланың пікір жазатын жеріне президентке сәлем хат жолдап, қарапайымнан да қарабайыр болмай, газеттерге, сайттардың офистеріне "Президентке Ашық хат" болмаса, "Президентке Талап хат" ретінде хат жолдаңыз!

    Міне, сонда Сіздің халық алдында абырой-атағыңыз аспандап, президент Сізді қабылдап, үмітіңіз орындалуы мүмкін!
    Болмаса, Сізден президент қорықпайды!
    Демек, ол Сізді көзіне де ілмейді!

    • #53
    • ГЕК
    • сн, 22/06/2016 - 9:41

    ЖЕР -ХАЛЫҚТЫКІ! АТА-БАБАМЫЗ ТҰТАС ҚАЛДЫРҒАН. СОЛ ТҰТАС ҚАЛПЫНДА ТҰРУЫ КЕРЕК. САТАМЫЗ, ЖАЛҒА БРЕМІЗ ДЕГНДІ ШЫҒАРЫП ЖҮРГЕНДЕР, ОНЫ ҚОЛДАП, ҚОЛПАШТАУШЫЛАР -ХАЛЫҚ ЖАУЛАРЫ! ОЛАРДЫҢ КІМДЕР ЕКЕНІ БЕЛГІЛІ. УАҚЫТЫ КЕЛГЕНДЕ ЖАУАП БЕРЕТІН БОЛАДЫ! ЖЕР ЕШКІМГЕ САТЫЛМАСЫН, ЖАЛҒА ДА БЕРІЛМЕСІН! КОМИССИЯ ЖҰМЫСЫН ТОҚТАТСЫН! ЖЕР КОДЕКСІ ҚАЙТА ЖАСАЛСЫН! ЖЕР САТУ МЕН ЖАЛҒА БЕРУ ДЕГЕН СӨЗ ОДАН АЛЫНЫП ТАСТАЛСЫН! ЖЕРГЕ БАЙЛАНЫСТЫ БҮГІНГІ ӘҢГІМЕГЕ НҮКТЕ ҚОЙЫЛЫП, МӘҢГІЛІК МОРАТОРИЙ ЖАРИЯЛАНСЫН! СОНДА ҒАНА ПРЕЗИДЕНТ АЙТЫП ЖҮРГЕНДЕЙ, МӘҢГІЛІК ЕЛ БОЛАМЫЗ!

    • #54
    • Қазаққа
    • сн, 22/06/2016 - 10:23

    Мен де сіздің псевдониміңізге жармасқан екенмін, білмегендіктен. Кейбіреулер сияқты ұрыспай, көнгеніңіз үшін рахмет! Жер дауы шықпағанда abai.kz барын да білмей, ештеңемен шаруам жоқ жүрген жан едім. Ақындығым өзіме деп. #51-ші айтатындар қатарына жақын. Енді міне, мылтықсыз майданға кіріп кеттім. "Абай кз-да ақындар қалмады ма?" деп бастап, осы күні базбіреулерден " қыстырылмайтын жері жоқ екен" дегенді де естідім. "Жиен" де мен. Абайда әртүрлі лақап атпен жазатын мен ғана ма? Білмеймін. Ол маңызды ма? Мазмұнды болғаны дұрыс емес пе? Таласатындай, шен-шекпен таратып жатқан жоқ, бәріміздің илеп жатқанымыз бір терінің пұшпағы- қазақ қоғамының қазіргі ахуалы.

    • #55
    • Ауғаннан келген
    • сн, 22/06/2016 - 11:48

    Заң қабылдау керек дейсіңдер. Ол заңда не жазылуы керек? Жер сатылмайды, жалға берілмейді деп жазылады ма? Бұрын да осы заңсыз өмір сүрген жоқпыз ба? Әлде, сатылып, жалға беріліп кеткен жерлерді(орысша айтқанда: "задним числом") заңдастыру керек пе? Болып жатқан теке-тірес осы жөнінде болып жатқанға ұқсайды.

    • #56
    • Түңілген
    • сн, 22/06/2016 - 16:28


    #54
    Қазаққа
    сн, 22/06/2016 - 7:23

    Абайда әртүрлі лақап атпен жазатын мен ғана ма? Білмеймін. Ол маңызды ма? Мазмұнды болғаны дұрыс емес пе? Таласатындай, шен-шекпен таратып жатқан жоқ, бәріміздің илеп жатқанымыз бір терінің пұшпағы- қазақ қоғамының қазіргі ахуалы.
    *******************************************************************
    Ақындығыңа болайын, ақынсымағым-ау, мәселе шен мен шекпенге, пайдаға таласу емес, керісінше, мәселе ертең жазғандарың үшін жауап беретін кезде, "құйысқанға жабысқандай", мен үшін сен күйіп кетпеуің керек қой!

    • #57
    • #56-ға ақынсымақ
    • сн, 22/06/2016 - 18:39

    Оттан қорғайтын нартұлға ағамыз болыңыз, қалғандарымыз "... жабысып", сіздің атыңыздан жаза берейік. Бәрібір жауап бересіз, жазбаның санына қарамас? Сұрап жатса, "Менен басқа ақын бар ма еді? Мен емей, кім жазды?!"-деп, қасқайып тұрып арашаларсыз артыңыздан ерген "жабысқақтарды".

    • #58
    • ОҚЫ!
    • бн, 23/06/2016 - 10:10

    Cофы Сматаев:
    Асағанына жұбанып, жұтқанына қуанып, тұла бойын желiкке жеңгiзген; бекердi сылтау етiп, келер мен кетердi ескермей төрдегiнiң стипендиясы үшiн жердегiлердiң желкесiн үзiп беруден тайынбаған; бүгiн бетiн елге берiп демократ атанып, ертең етiн төрге сатып тойын топырлатып жасатып, пресс-конференцияларын дүрiлдетiп өткiзiп жүрген екiжүздi зиялылардан қорқамын.
    Дәмдiден де дәмдi iздеп, зар мен шерден әндi iздеп, кеудесi толған ылайлы ойымен тұнықты былғап, бұзығыңды жөндеймiн, қызылыңды әрлеймiн деп қысыр қулығын бiлдiрмей сататын жылмаңы сыртында бұлқынған, зұлматы iшiнде жұлқынған шенеунiктер шегiрткедей қаптап кеттi.
    Мен солардан да қорқамын.
    Қисыны кеткен сөзiмен һәм iсiмен қызығы бiткен елдi басқармақ түгiлi, халқына айтар кеңесiнен мықтысының құлағына жарамсақтана құяр сыбырын артық көретiн, тойғанынан қалғанын да жiлiк майы үзiлуге таяу тобырына қимайтын әкiм, төрелер төбемiзден басып барады.
    Мен солардан қорқамын.

    • #59
    • Түңілген
    • жб, 26/06/2016 - 3:54



    #57
    #56-ға ақынсымақ
    сн, 22/06/2016 - 15:39

    Оттан қорғайтын нартұлға ағамыз болыңыз, қалғандарымыз "... жабысып", сіздің атыңыздан жаза берейік. Бәрібір жауап бересіз, жазбаның санына қарамас? Сұрап жатса, "Менен басқа ақын бар ма еді? Мен емей, кім жазды?!"-деп, қасқайып тұрып арашаларсыз артыңыздан ерген "жабысқақтарды".
    *****************************************************************

    Ой, ақынсымағым-ай, ризамын саған!
    Сөз тапқанға қолқа жоқ!
    Өстіп-өстіп, қазақ қоғамның бір белді азаматы болып кетесің!

    Иә, қорғармын!
    Жүре берсең көре бересің, ондай жағдай басымыздан талай өткен.
    Қорғамағанда, паровоз болып, бәріңді артыма тіркеп кететіндей қорқақ, пасық, екіжүзді, ақымақ жігіт емеспін ғой.
    Топтасып жасаған істің бабы(статиясы) ауырлай береді ғой.
    Сондықтан, "ұйымдасқан қылмыстық топ" болмай, барлық "күнәні" бір адам мойнына алып кетсе жазасы да жеңілденеді ғой.

    • #60
    • Ақынсымақ #59-ға
    • жб, 26/06/2016 - 15:03

    Бата деп қабылдасам болады ма?

    • #61
    • Датым бар
    • дн, 27/06/2016 - 23:54

    Акыры жер жалга берiлдi ендi комисия не керек Казак халкымен санаспай жердi куртты ендi 2айдан кейiн тiлдiн маселесi тур оны да он жамбастарына салып жыкпакшы,,,

    • #62
    • Әбді Жалбыр Керімбердіұлы
    • сс, 12/07/2016 - 13:27

    Жер сатылмайды, тек жалға беріледі жеті атасынан бері келе жатқан қазақтарға белгілі уақытқа игере алғанына байланысты деп нүкте қойып, ары қарай ол жерлерді бөлу үшін санау керек еді, бірақ ол жұмыс істелмей, босқа уақытты кетіріп жиналыс жасауда. Бұл дегеніміз уақытқа және халыққа сатқындық жасау деп түсінемін.

Пікір қосу

  • 7 + 35 =

Кіру