Memleket basshysy pandemiyagha qarsy elimizdegi kýres júmystaryn ýilestiretin Ortalyqtyng júmysymen tanysty. Búl turaly Aqorda sayty habarlady.

Densaulyq saqtau ministrligining basshylyghy Preziydentke әlemde jәne Qazaqstanda koronavirustyng taraluyna qarsy kýresti ýilestiru jәne monitoring jasau әdisteri, onyng ishinde auyrghandardy anyqtau jәne esepke alu jónindegi júmystarda sifrlyq tehnologiyany qoldanu turaly bayandady.

Qasym-Jomart Toqaev atalghan ortalyqtyng әlemdegi qolaysyz epiydemiologiyalyq jaghdayynda atqaratyn manyzdy rólin atap ótti jәne kýsh biriktire otyryp, oqighanyng keri әserine tosqauyl qonggha senim bildirdi.

Preziydent qazaqstandyqtardy tynyshtyq saqtaugha shaqyryp, Ýkimetke indetting taraluyna baylanysty qauesetter men dýrbelenge tosqauyl qon ýshin azamattardy shúghyl әri shynayy aqparattarmen qamtamasyz etu mindetin qoydy. Memleket basshysy osyghan oray qoghamgha qazirgi ahual men memleketting qabyldap jatqan sharalary turaly aqparat taratatyn resmy arnalardy aiqyndau jóninde tapsyrma berdi.

Jalpy Qasym-Jomart Toqaev koronavirusqa qarsy kýresu ýshin qabyldanyp jatqan sharalargha ong bagha berdi.

– Ýkimet az júmys istegen joq. Mamandardyng baghalauynsha, biz Europa elderine qaraghanda aitarlyqtay shúghyl әreket etip jatyrmyz. Degenmen bizge nәtiyje kerek. Halyq әli tolyq aqparat ala almay otyr, – dedi Memleket basshysy.

Sonymen qatar Preziydent medisinalyq betperdelerding tapshy ekenin aitty.

– Bizde әli kýnge deyin tiyisti kólemde betperdelerding jetispeytindigin atap aitqym keledi. Biraq qaghaz jýzinde bәri jetkilikti. Bir jaghynan halyq dәrihanalarda betperdelerding әli de joq ekenin aityp shaghymdanuda. Nege? Búl alypsatarlyq dep oilaymyn, - dedi Qasym-Jomart Toqaev.

Memleket basshysy halyqty betperdelermen jedel qamtamasyz etudi talap etip, elimizding barlyq azamattaryn ýnemi antiyseptikterdi paydalanugha jәne betperde taghugha shaqyrdy.

– Biz barlyq qalalardaghy negizgi kóshelerde azamattarymyzgha tegin maska tarata alatynday boluymyz kerek. Búl Ýkimetting aldynda túrghan asa jedel әri shúghyl mindet, – dedi Preziydent.

Qasym-Jomart Toqaev pandemiyanyng 160-tan astam elge taralghanyn atap ótip, shekaralas memleketterding Ýkimetterimen is-qimyldardy ýilestiruding manyzdylyghyna nazar audardy.

– Songhy birneshe kýnde Reseydin, Ózbekstannyn, Qyrghyzstannyng Preziydentterimen sóilestim. Negizinen biz Ýkimetterimizding tyghyz yqpaldasa júmys isteui kerektigi jayynda әngimelestik. Búl ortaq mәsele bolghandyqtan birlesken júmystardy arttyra týsuimiz kerek. Birlese әreket etken jón, - dedi Memleket basshysy.

Qazaqstan Preziydenti elimizde karantin rejiymin saqtaudyng manyzdylyghyna toqtalyp, barlyq azamattardy, onyng ishinde, memlekettik qyzmetshilerdi belgilengen tәrtip boyynsha júmys isteuge shaqyrdy.

– Baqylau-ótkizu beketterin qoyghanymyz әzil nemese qoyylym emes. Karantin rejiymin qatang saqtamay, biz búl baghytta eshqanday tabysqa qol jetkize almaymyz. Biz karantin jaghdayyn qatang saqtaugha tiyispiz, – dedi Preziydent.

Qasym-Jomart Toqaev otandyq medisinany, sonyng ishinde, sanitarlyq-epiydemiologiyalyq qyzmetti jәne medisina ghylymyn damytugha basa mәn beru kerek ekenin aitty.

– Qazir býkil әlemning jәne býkil әlemdik ekonomikanyng taghdyry ghalymdardyng qolynda. Búl artyq aitqandyq emes. Álemning taghdyryn futbolshylar, shou-biznes ókilderi emes, ghalymdar sheshedi. Biz osy jaghdaydan sabaq alugha tiyispiz, - dedi Memleket basshysy.

Sonynda Qasym-Jomart Toqaev barlyq medisina qyzmetkerlerine koronavirus pandemiyasyna qarsy kýreske qosqan ýlesi ýshin rizashylyghyn bildirdi.

Abai.kz