QR Premier-Ministri Asqar Maminning tóraghalyghymen ótken Ýkimet otyrysynda elimizding 2020 jylghy qantar-nauryzdaghy әleumettik-ekonomikalyq damu qorytyndysy jәne respublikalyq budjetting atqaryluy qaraldy.

Ekonomikanyn, bank salasynyng ahualy, respublikalyq budjetting oryndaluy, memlekettik satyp alulardaghy jergilikti qamtu turaly últtyq ekonomika ministri R. Dәlenov, Últtyq bank tóraghasy E. Dosaev, Premier-Ministrding birinshi orynbasary – qarjy ministri Á. Smayylov, «Samúryq-Qazyna» ÚÁQ» AQ kompaniyalarynyng kórsetkishteri turaly – Qordyng basqarma tóraghasy A. Esimov, ónerkәsip pen energetika sektoryndaghy jaghday turaly industriya jәne infraqúrylymdyq damu ministri B. Atamqúlov, energetika ministri N. Noghaev, ónirlerding damuy turaly Qostanay, Almaty, Aqtóbe oblystarynyng әkimderi A. Múhambetov, A. Batalov jәne O. Orazalin bayandady.

Biyl qantar-nauryz ailarynda JIÓ ósimi 2019 jyldyng sәikes kezenine 2,7% qúrady. Negizgi kapitalgha salynghan investisiyalar 5,1%-gha artty. Altyn-valuta qory $30 mlrd jetti, Últtyq qor aktivteri – $57,5 mlrd.

Elimizding negizgi salalary jalpy ong dinamika kórsetti. Tau-ken óndirisi salasyndaghy ósim – 5%, óndeu salasynda – 8,8%, qúrylysta – 11,7%, mashina jasauda – 30,4% kórsetti. Degenmen, әlemdegi pandemiyagha baylanysty engizilgen shekteulerding әseri birtindep bayqala bastady — osy jyldyng birinshi toqsanynda saudanyng ósui 1%-dy, qarjy salasy men saqtandyru qyzmetteri – 0,7%-dy qúrady, al kólik sektory 1,3%-gha tómendep, teris dinamika kórsetti.

Biylghy birinshi toqsanynyng qorytyndysy boyynsha negizgi kórsetkishter boyynsha әleumettik-ekonomikalyq damudyng ósuining ozyq qarqyny Aqmola, Batys Qazaqstan, Týrkistan, Qostanay, Qaraghandy oblystarynda jәne Núr-Súltan qalasynda qamtamasyz etiledi, ortasha respublikalyq kórsetkishterge Almaty, Aqtóbe, Manghystau, Soltýstik Qazaqstan, Pavlodar, Shyghys Qazaqstan oblystarynda jәne Almaty qalasynda qol jetkizildi, keybir kórsetkishter boyynsha respublikalyq dengeyden tómen dengeydi Atyrau, Jambyl, Qyzylorda oblystary, sonday-aq Shymkent qalasy kórsetti.

Ýkimet basshysy ortalyq jәne jergilikti atqarushy organdardyng birinshi basshylaryna budjet qarajatynyng uaqytyly әri sapaly iygeriluin, onyng ishinde olardyng ekonomikanyng naqty sektorlaryna deyin jetkiziluin baqylauda ústaudy tapsyrdy.

Premier-Ministr әlemdik jәne ónirlik ekonomikalardaghy qazirgi syn-tegeurinderge jauap retinde Ýkimetting daghdarysqa qarsy sharalar keshenin qabyldap, iske asyryp jatqanyn atap ótti — Júmyspen qamtudyng jol kartasy bekitildi, qúrylysty keneytu boyynsha birqatar memlekettik baghdarlamalardy qarjylandyru úlghaytyldy, ShOB kәsiporyndaryn salyqtyq yntalandyru engizildi, «Qarapayym zattar ekonomikasy» jenildikpen nesiyelendiru baghdarlamasy keneytildi.

«Qajet sharalar qabyldandy, endi ónirler qarqyndy júmys isteui kerek. Barlyghy memlekettik organdardyng tiyimdi jәne ýilesimdi júmysyna baylanysty», — dep A. Mamiyn, qatang sanitarlyq-epiydemiologiyalyq sharalardy saqtaumen ónirlerde daghdarysqa qarsy sharalardyng iske asyryluyna baqylaudy qamtamasyz etudi tapsyrdy.

Abai.kz