Armeniyanyng qorghanys ministrligi Ázerbayjan sarbazdaryn shekaradaghy beketke shabuyl jasady dep te aiyptady. Armyan tarabynyng aituynsha, әskeriyler qarsylastardyng shabuylyna tótep berip, aqyry qarsylas toptyng әskeri "iri shyghyngha úshyraghan".

"Ázirge tolyq emes mәlimet boyynsha, qarsylas taraptyng arnayy jasaghy shyghyngha úshyraghan. Búghan qosa, qolgha týsken jauyngerler de bar. Armyan tarabynan shyghyn joq" delingen Armeniyanyng qorghanys ministrligi taratqan habarlamada.

Al Ázerbayjannyng qorghanys ministrligi búl aqparatty joqqa shyghardy.

"Adam shyghyny týgili shabuyl bolghan joq. Armeniya taghy da jalghan aqparat taratty" dedi ministrlikting resmy ókili Vagif Dargayliy.

12 shildede Armeniya men Ázerbayjan shekarasynda qaqtyghys bolyp, 12 әzerbayjan sarbazy, 4 armyan jauyngeri qaza tapqan. Birneshe kýnge sozylghan qaqtyghys kezinde taraptar bir-birine zymyranmen soqqy jasaytynyn aityp, ses kórsetken.

Birneshe el men halyqaralyq úiymdar jaghdaygha alandaushylyq bildirip, Armeniya men Ázerbayjandy dialogqa shaqyrdy.

1988-94 jyldary Ázerbayjannyng Tauly Qarabaq audanynda soghys bolyp, 30 myngha juyq adam qaza tauyp, jýzdegen myng adam bosyp ketken.

Armyandar kóp túratyn Tauly Qarabaq soghystan keyin, 1988 jyly Ázerbayjannan bólinip, de-fakto tәuelsiz ómir sýrip jatyr. Biraq onyng tәuelsizdigin әli birde-bir el moyyndamaghan. Ózin "Tauly Qarabaq respublikasy" dep ataytyn búl audandy jergilikti armyandar qorghap túr delinedi. Al Ázerbayjan búl aimaq Armeniya әskerining qorghauynda dep sanaydy. Qarabaqta әskery qaqtyghys ara-túra bolyp túrady. Jaghdaydy beybit jolmen retteu ýshin qúrylghan EQYÚ-nyng Minsk kelisimine Resey, AQSh jәne Fransiya mýshe.

Abai.kz