ارمەنيانىڭ قورعانىس مينيسترلىگى ازەربايجان ساربازدارىن شەكاراداعى بەكەتكە شابۋىل جاسادى دەپ تە ايىپتادى. ارميان تارابىنىڭ ايتۋىنشا، اسكەريلەر قارسىلاستاردىڭ شابۋىلىنا توتەپ بەرىپ، اقىرى قارسىلاس توپتىڭ اسكەرى ء"ىرى شىعىنعا ۇشىراعان".

"ازىرگە تولىق ەمەس مالىمەت بويىنشا، قارسىلاس تاراپتىڭ ارنايى جاساعى شىعىنعا ۇشىراعان. بۇعان قوسا، قولعا تۇسكەن جاۋىنگەرلەر دە بار. ارميان تارابىنان شىعىن جوق" دەلىنگەن ارمەنيانىڭ قورعانىس مينيسترلىگى تاراتقان حابارلامادا.

ال ازەربايجاننىڭ قورعانىس مينيسترلىگى بۇل اقپاراتتى جوققا شىعاردى.

"ادام شىعىنى تۇگىلى شابۋىل بولعان جوق. ارمەنيا تاعى دا جالعان اقپارات تاراتتى" دەدى مينيسترلىكتىڭ رەسمي وكىلى ۆاگيف دارگايلي.

12 شىلدەدە ارمەنيا مەن ازەربايجان شەكاراسىندا قاقتىعىس بولىپ، 12 ازەربايجان ساربازى، 4 ارميان جاۋىنگەرى قازا تاپقان. بىرنەشە كۇنگە سوزىلعان قاقتىعىس كەزىندە تاراپتار ءبىر-بىرىنە زىمىرانمەن سوققى جاسايتىنىن ايتىپ، سەس كورسەتكەن.

بىرنەشە ەل مەن حالىقارالىق ۇيىمدار جاعدايعا الاڭداۋشىلىق ءبىلدىرىپ، ارمەنيا مەن ازەربايجاندى ديالوگقا شاقىردى.

1988-94 جىلدارى ازەربايجاننىڭ تاۋلى قاراباق اۋدانىندا سوعىس بولىپ، 30 مىڭعا جۋىق ادام قازا تاۋىپ، جۇزدەگەن مىڭ ادام بوسىپ كەتكەن.

ارمياندار كوپ تۇراتىن تاۋلى قاراباق سوعىستان كەيىن، 1988 جىلى ازەربايجاننان ءبولىنىپ، دە-فاكتو تاۋەلسىز ءومىر ءسۇرىپ جاتىر. بىراق ونىڭ تاۋەلسىزدىگىن ءالى بىردە-ءبىر ەل مويىنداماعان. ءوزىن "تاۋلى قاراباق رەسپۋبليكاسى" دەپ اتايتىن بۇل اۋداندى جەرگىلىكتى ارمياندار قورعاپ تۇر دەلىنەدى. ال ازەربايجان بۇل ايماق ارمەنيا اسكەرىنىڭ قورعاۋىندا دەپ سانايدى. قاراباقتا اسكەري قاقتىعىس ارا-تۇرا بولىپ تۇرادى. جاعدايدى بەيبىت جولمەن رەتتەۋ ءۇشىن قۇرىلعان ەقىۇ-نىڭ مينسك كەلىسىمىنە رەسەي، اقش جانە فرانتسيا مۇشە.

Abai.kz