QR Preziydenti
Q. K. Toqaevtyng nazaryna

Álemge taraghan Covid-19 pandemiyasy elimizding jalpy ekonomikalyq-әleumettik jaghdayynyng qanshalyqty qauqarly ekenin kórsetip berdi. Ásirese medisina salasy mýlde túralap jatqany aiqyn kórinip otyr. Qazirgi tanda elimizding barlyq derlik aimaqtary qalalardy aitpaghanda audan ortalyqtary men auyldyq jerlerde mýlde qiyn jaghday oryn aldy. Qoldanystaghy auruhanalar aurulardy qabylday almaytynday tolyp, qarapayym dәri-dәrmek pen shpristing ózin taba almaytyn dәrejege jetti. 

Halyq qazir apatty jaghdaymen ózderi betpe-bet qaldy. Ár auyl óz túrghyndary bolyp qarjy jinap dәri-dәrmekterin, tynys alu aparattaryn aldyryp jatyr. Basqa amal da joq. Memleketting negizi bolyp otyrghan halyqtyng densaulyq saqtau salasy men ghylym-biliminen aqsha ýnemdeu elding damuyna qanshalyqty kesirin tiygizip otyrghany eldegi oryn alyp otyrghan qazirgi jaghday dәlel emes pe!

Bir ghana mysal Shyghys Qazaqstan oblysy, Abay audany, Kengirbay by auyldyq okrugining dәrigerlik ambulatoriyasy 2019 jyldan bastap qysqartylyp qazirgi tanda Kókbay auyldyq okrugining dәrgerlik ambulatoriyasyna qaratylghan. Kókbay auyly Kengirbay auylynan 25 km qashyqtyqta ornalasqan. Túrghyndardyng ol jaqqa baryp densaulyqtaryn qaratuy, jedel jәrdem qajet jaghdayda uaqytyly kómek ala almauy ýlken mәsele tudyrady. 

Myngha tarta halyq túratyn auyldyng jan sany az dep tek bir medbiykeni ghana qaldyrghany qanshalyqty aqylgha siymda. Jedel-jәrdem kóligi bolmaghandyqtan meyirbiyke syrqattardyng ýilerine baryp kómek kórsetuge ýlgere almay otyr. Ony aitasyz, tipti, dәri-dәrmek te joq. Osy qysqartulardan ýnemdelgen qarjy jemqorlardyng jemsauyna týsip jatqanyn bәrimizde kórip otyrmyz. «Áleumettik medisinalyq saqtandyru qory» men «SK-Farmasiya» basshylyghynyng jasap otyrghan tirlikteri zang týgili adamgershilik týsinigine de kele bermeydi-au.  

Auyldyq jerlerding medisinalyq mekemelerine kózqaras ózgermey halyqtyng densaulyghyn saqtau qalay iske aspaq?

Sondyqtan Qazaqstan Respublikasy boyynsha búryn qyzmet kórsetip, keyingi jyldary auyldyq jerlerde qysqartylghan barlyq dәrgerlik ambulatoriyalar qalpyna keltirilsin. Tipti 100-50 adam túratyn shaghyn eldi-mekenderde medisina qyzmetkerleri boluy tiyis. 

Últtyng saulyghy memleketting bolashaghy. Eger biz «Mәngilik El» bolamyz desek Densaulyq saqtau men ghylym-bilim salasyn barynsha qarjylandyruymyz kerek. Jalpy Ishki Ónimning kem degende 20-30 payyzy osy salalargha júmsaluy kerek.  Deni sau, ghylymy damyghan, bilimdi halyq arqyly ghana quatty ekonomika qúra alamyz. Al ekonomikalyq túrghydan tәuelsiz bolmayynsha biz tolyq Tәuelsiz memleketpiz dep aita almaymyz. Oghan qazirgi uaqytta tolyq kózimiz jetti. 

2014 jylghy derekter boyynsha:

Kengirbay by dәrigerlik ambulatoriyasy ShQO Densaulyq saqtau basqarmasy әkimdigining «Abay audandyq ortalyq auruhanasy» ShJQ KMK-nyng Kengirbay by dәrigerlik ambulatoriyasy.

Ghimarat 1990 jyly salynghan, ghimarat týri - beyimdi, jylytu jýiesi – peshtik, sumen qamtamasyz etilui – qúdyqty.
Emdeu mekemesi: Dәrigerlik ambulatoriya – 1
Kadrlary: Dәrigeri – 1
Orta buyn medisina qyzmetkerleri – 2
Basqalary – 2
Kvalifikasiyalyq kategoriyasy dәrigerde – 1, kategoriya – 1;
Jan basyna shaqqanda tarif 1306 tenge.
Jyldyq budjet 1024 adam h 1306 tenge h 12 ay = 16048,1 myng tenge.
Jalpy halyq sany – 1024 adam, sonymen qatar búl eldi mekenge 80 túrghyny bar Jiydebay medisinalyq punkti qaraydy.

Ardaq Berkimbay

Abai.kz