Elding densaulyq saqtau ministrligi qaza tapqandar sany ósui mýmkin dep mәlimdedi. Elde 5 tamyz qaraly kýn dep jariyalandy.

Jarylystan kóptegen ghimarat qiraghan. Kóshede audarylghan kólikter, shaghylghan terezeler, kirpish, tastar jatyr. Qalada avtokólik qozghalysy da búzyldy. Qala auruhanalaryna jaralanghandar kóptep týsip, syimay jatyr.

CNN telearnasynyng tilshisining habarlauynsha, jarylys aimaghynan birneshe shaqyrym jerdegi ýilerding de terezesi synghan. Tilshilerding sózinshe, CNN arnasynyng Beyruttaghy burosynda jarylys "jer silkinisindey" sezilgen.

Jarylystyng sebebi belgisiz. El ýkimeti teniz portyndaghy qoymada jarylghysh zat jarylghanyn aitady.

Qazaqstan syrtqy ister ministrligi jarylys tolqynynan Qazaqstannyng Livandaghy elshiligining ghimaraty zaqymdanghanyn habarlady.

"Elshilik qyzmetkerleri júmys uaqyty ayaqtalghan song ýilerine qaytyp ketken. Júmysta qalghan konsul jarylys tolqynynan azdap jaraqattandy. SIM jergilikti biylikpen baylanysyp otyr. Livanda jýrgen Qazaqstan azamattaryna qatysty aqparattardy tekserip jatyr" dep habarlady ministrlik.

Jarylys Livan ýshin óte qiyn shaqta boldy. Elde ekonomikalyq daghdarys. Búghan qosa, jarylys BÚÚ-nyng tribunalynda "10 jyl búryn Livannyng eks-premieri Rafik Haririydi óltirdi" dep aiyptalghan tórt adamnyng soty qarsanynda boldy. Tórt aiyptalushy da "Hezbolla" tobynyng mýshesi. Olar ózderine taghylghan aiypty joqqa shygharady. Sot sheshimi júma shyghuy tiyis.

Beyrut qalasynda shamamen 300 mynnan 2 milliongha deyin adam túrady. Keyingi 90 jylda qalada halyq sanaghy ótpegen.

Abai.kz